إعلان

الطلاق وصندوق قناة السويس.. أبرز رسائل السيسي للمصريين

09:41 م الإثنين 26 ديسمبر 2022

الرئيس عبد الفتاح السيسي

كتب- أحمد عبدالمنعم:

وجّه الرئيس عبدالفتاح السيسي، اليوم الاثنين، العديد من الرسائل للمصريين، خلال افتتاح مشروعات جديدة في مجمع الصناعات الكيماوية، حيث تحدث عن تعديل قانون الأحوال الشخصية وإجراءات الكشف الطبي للزواج كما تحدث عن غلاء الأسعار والدولار.

وجاءت أبرز رسائل الرئيس عبدالفتاح السيسي اليوم كالتالي:

الأحوال الشخصية والزواج

1- "إحنا في إجراءات الكشف الطبي المعمولة فيها سلامة عقل، يعني سلامة شاب قدام سلامة فتاة".

2- "عندما تحدثت قبل ذلك عن عدم الإنجاب، إلا بعد مرور سنتين أو 3 من الزواج، الناس فهمت أني بقلكم متخلفوش أو نظموا الإنجاب وده مش صحيح".

3- "ليه بنعمل صندوق في القانون، عشان أي أسرة، والاختلاف وارد، وهما زعلانين من بعض مش عايزين يصرفوا، واللي بيضيع الأبناء".

4- "حضرتك جاي تتجوز، حط مبلغ في الصندوق، اللي يقدر على الفرح، يقدر يدفع مبلغ الصندوق، الدولة اتفقت مع رئيس الوزراء، لو مليار الحكومة هتحط مليار واتنين".

زيادة الأسعار

5- "إنتم فاهمين يعني إيه المنتجات الزراعية يزيد ثمنها مرتين تلاتة؟! مين يستحمل ده؟".

6- "اوعوا تكونوا فاكرين إن إحنا مش حاسين كمسؤولين وبني آدمين إن الأسعار حمل على الناس".

7- "بلاحظ إن بعض الناس بيقولوا دي فرصة نعلِّي الأسعار ومفيش دولار، بالعكس ده الوقت اللي بيظهر فيه حرصنا على الناس".

8- "أنا ماخبتش عنكم حاجة، وفيه كلام والله مفروض طبقًا لمعايير السياسة والكلام ده ما يتمش طرحها على الهواء".

صندوق هيئة قناة السويس

9- "حصلت موجة كبيرة جدًّا على الصندوق الاستثماري لقناة السويس، طيب أقول لكم بقى ده حلم، في البلاد اللي ظروفها ماتستحملش لازم يكون في أوعية".

10- "إحنا عملنا صندوق في وزارة الصحة؛ علشان التأمين الصحي، والصندوق دلوقتي فيه 70 مليار جنيه".

11- "الصناديق دي كلها محدش يقدر يصرف منها غير لما يقولي وأنتوا ماتعرفونيش في الفلوس".

12- "مش ساعات بتقولوا فيه مشروعات هتتعمل قد تؤثر على دخل قناة السويس في يوم من الأيام؟ مش بتقولوا كده".

13- "لازم يبقى عندي دخل وأعمل مشروعات تانية وشركات تانية وأقدر بالملاءة المالية الموجودة أدخل في مشروعات بأكتر من كده بكتير".

14- "فيه ناس خايفة مش مغرضة، مش مصدقين إننا نقدر نعمل؛ لأ إحنا نقدر نعمل وإن شاء الله هنعمل وهتشوفوا".

15- "النهاردة لو جيت طرحت شركة قناة السويس في بورصة للمصريين فقط؛ علشان يبقى الناس اللي هتشتري الأسهم من المصريين بس".

16- "الاقتصاديين يردوا عليَّا مش من الأفضل يتقال إن القناة لها حسابات في البنوك فيها 100 مليار أو 200 مليار؟!".

17- "منستوردش من برا ليه.. أولا علشان أشغل الناس في بلدي، وكل ما أطلع منتجات، وكل ما ننتج مواد بنجيبها من برا كل ما الضغط على الدولار يقل".

18- "بسمع كلام كتير نخفف من المشروعات القومية علشان تخففوا العبء على الدولار، لأ يا جماعة".

فيديو قد يعجبك: