إعلان

السيسي: الدولة عاوزة مليون شقة سنويًا.. و نقدر نبني أد العاصمة الإدارية 10 مرات

03:41 م الثلاثاء 25 أكتوبر 2022

الرئيس عبدالفتاح السيسي

تطبيق مصراوي

لرؤيــــه أصدق للأحــــداث

كتب - محمد عمارة:

قال الرئيس عبدالفتاح السيسي، إن البعض لا يصدق أن الدولة المصرية لا يمكن أن تبني مدن أخرى مثل العاصمة الإدارية الجديدة.


وأضاف خلال الجلسة الختامية للمؤتمر الاقتصادي:"العاصمة وبنيتوا دي منين؟ ليه مش مصدقين إن زيها و10 يتعملوا، دولة عايزة مليون شقة في السنة، خلي نصهم في الريف ونصهم في الحضر، ويصحح لي الدكتور عاصم، دكتور، لأ بجد؟".

ورد الدكتور عاصم الجزار قائلا:"إحنا محتاجين ننقل كتلة كبيرة من سكان الريف إلى المناطق الحضرية ومحتاجين ملايين الشقق، و 72% % من حجم الوحدات اللي عملناها للسكن البديل والاجتماعي".


وتابع الرئيس السيسي:"طب حد يقول هل فيه مزاحمة للقطاع الخاص، حجم المطلوب، كبير جدا وفيه بعض المطلوب مش اقتصادي ليك، طب انت بتعمل شقق لمناطق الخطرة، يا جماعة أسيب ابني وبنتي في الشارع كده؟، يا جماعة احنا مناكلش ونعمل، والله العظيم لو جت لي فلوس، هاخد من الطبقات دي، هشيل 100 ألف وأقعدهم، روحوا غيط العنب، آسف اني بقول التعبير ده، روحوا البشاير".

وأضاف:"هذا الرقم لا يساوي شيئ في المطلوب، لما بنتكلم على إن الحالة العامة حالة عوز وفقر، وقلت الدكتور معيط، والله العظيم ما بيدوني حاجة، والدكتورة هالة ابتسامة لطيفة وتقولي هحول ومش بتحول حاجة، قلنا نعمل ونأجر ونعمل عنصر جذب، المطور يعمل في أرض متساويش حاجة عناصر جذب، لما بدأت في العاصمة، قلت لأ، أنا هعملها وتبقى الماسة دي أول حاجة يعملها الجيش، خش اعملي حاجة حلوة أوي، خش اعملي مدينة ثقافة وفنون وساحة شعب ومسجد وكاتدرائية".

وتابع:"أقولكم على حاجة قلنا تبرعات من المصريين عشان المسجد والكاتدرائية، تصدقوا بالله، والله العظيم 3، ما جالي 10 % من الفلوس، قولتلهم الحكومة تخش تشتغل وتعمل مرافق وحي حكومي، وتاخد مننا فلوس، مش كده، ده كله معمول، بنتكلم على الأقل 100 مليار جنيه موجودين، لو قدرنا بسرعة نيجي هنا، ممكن الرقم ده يبقى مرتين تلاتة، يعني الحكومة مدفعتش المبلغ ده؟ آه آه، نفس الكلام للعلمين وبني سويف".

فيديو قد يعجبك:

إعلان

إعلان