إعلان

ادتوني أمل كبير.. السيسي يطالب مدبولي بتخصيص يوم للجامعات لعرض مواهب طلابها

03:13 م الثلاثاء 14 ديسمبر 2021

الرئيس عبد الفتاح السيسي

كتب- أحمد السعداوي:

قال الرئيس عبد الفتاح السيسي، مخاطبًا إحدى فرق الطلبة المشاركين في حفل جامعة كفر الشيخ: ما تمشوش إلا لما أشكركم فعلًا، أنا باحييكم والله، وقد إيه أسعدتونا واديتوا لنا أمل كبير قوي.. احنا عندنا حاجة عظيمة جدًّا؛ الجامعات مليانة مواهب جميلة ورائعة أنا باشكركم.. شكرًا جزيلًا.

جاء ذلك خلال لقاء الرئيس السيسي، اليوم الثلاثاء، طلاب وأعضاء هيئة التدريس بمقر جامعة كفرالشيخ بمحافظة كفر الشيخ.

وأضاف رئيس الجمهورية: احنا محتاجين من كل جامعاتنا المواهب اللي زي كده، ومن كل الفنون، وكل الأنشطة، ونقدمهم للناس ولنفسنا، ونأكد للمصريين إن احنا عندنا مواهب كتير قوي في كل حاجة.. بس الفرصة، وبعدين أنتم قدمتم حاجة راقية جدًّا ورائعة.

وتابع السيسي، مخاطبًا رئيس الوزراء ووزير التعليم العالي: أعتقد إن احنا محتاجين ده في المسرح أو مدينة الثقافة والفنون، وندي كل جامعة من الجامعات يوم تيجي، ونتفرج، والكلام ده مش احنا بس اللي نتفرج عليه؛ بل الناس كلها، وتعرف إنه مش ممكن المئة مليون يكون فيها أفضل حاجة في كل حاجة.

واختتم السيسي: انتم النهارده ادتوني أمل كبير قوي في كل حاجة، متشكر.. شكرًا.

فيديو قد يعجبك: