لا صوت يعلو فوق صوت الجماهير.. ماذا قال شادي محمد في أول ظهور ببرنامج "أوضة اللبس"؟

02:04 م الأحد 24 أكتوبر 2021

كتب- مينا غالي:

ظهر كابتن نادي الأهلي السابق شادي محمد، مساء أمس، لأول مرة في برناج "أوضة اللبس" الذي تعاقد على تقديمه مؤخرًا بدلا من أحمد حسام ميدو، حيث ظهر معه في الحلقة إبراهيم سعيد لاعب الأهلي والزمالك السابق.

وقال شادي محمد في مقدمة الحلقة: "أرحب بجماهير قناة النهار في أوضة اللبس.. دائما وأبدا البداية والنهاية في أوضة اللبس علشان كده النجاح دايما مرتبط بأوضة اللبس.. أكيد كالعادة عايز أدردش معاكم في البداية.. البداية بالنسبة لي هتبقى مختلفة.. ليه مختلفة؟ فريق العمل اللي معايا محترم.. جايز حاجات كتير نقولها لحضراتكم.. ناس كتير بتتكلم بحيادية وشفافية لكن أنا قررت أتكلم معاكم من القلب لأن القلب للقلب رسول والكلام اللي بيخرج من القلب بيروح للقلب".

وأضاف شادي: "مفيش شك قبل ما آجي الحلقة كان في بعض التوتر وبعض القلق وده طبيعي ومنطقي لأول حلقة، لكن الاتصالات اللي جاءت لي من أصدقائي وأهلي من القاهرة لأسوان إني أقدم أوضة اللبس اديتني الأمان والثقة، وفي الأول أعاهد ربنا وحضراتكم أن نقدم إعلاما محترما يليق بقناة محترمة زي قناة النهار.. والبرنامج ده ملك الجميع".

وتابع: "الحيادية والكلام عن الحيادية.. ناس بتقولي أنت كنت في يوم من الأيام كابتن النادي الأهلي.. ده شرف ليّ، لكن أنا عاهدتكم وده عهد مع ربنا قبل أي حد، اللي عايز أقوله إن قناة النهارد قناة لكل الناس وليست قناة فئوية وأشكر المحترمين في قناة النهار على دعمهم من أكبر لأصغر حد وهي دي الروح في العمل الجماعي اللي دايما يوصلك للهدف اللي أنت عايزه".

وواصل شادي: "وعلشان كده الشغل اللي كان في أوضة اللبس هو اللي هيقول احنا هنشتغل بحيادية ولا لأ.. وأقول لحضراتكم هنهتم بنادي الزمالك جدا ونادي الأهلي والأندية الشعبية، ودورنا نساعد كل الناس واللي هيعمل حاجة حلوة هنصفق له ونقوله شابوه، واللي هيعمل حاجة خارج الإطار العام للرياضة أكيد هننتقد لكن بأخلاق الرياضيين لأن كرة القدم مرتبطة بالأخلاقيات".

واستطرد: "في بعض المسؤولين بياخدوا قرارات خاطئة وبعض اللاعبين بيظهر منهم حاجات بتزعلنا كلنا، لكن في النهاية عايز أقول لحضراتكم إني مع فريق عمل وبنشتغل لكل الأندية وأن انتوا هتشوفوا الحيادية، ففكرة البرنامج قائمة على الجماهير، ومرة تانية وتالتة ومليون نعاهد حضراتكم أننا هنقدم إعلام محترم يليق بيكم".

وقال شادي: "النقطة التانية: قبل ما نقدم البرنامج شفت بعض المواقع ناشره كلام بيحط السم في العسل، فكان بيقدم أوضة اللبس صديق عزيز ولاعب عالمي هو كابتن أحمد حسام ميدو وأهنئه على مشواره هنا وأبارك له على مشواره الجديد في إحدى القنوات، وأنا مش عايز مشاكل احنا بنشتغل إعلام محترم ولو كان لنا أخطاء قبل كده أكيد بنتعلم منها.. احنا مش بناخد اسم حد، أوضة اللبس ده براند لقناة النهار، ولما قعدنا مع المسؤولين أنا فهمت الفكرة لأن أوضة اللبس براند لقناة النهار، احنا مش بناخد حاجة من حد ولا حد بياخد حاجة مننا، واللي بيقدم أوضة اللبس هو كابتن أوضة اللبس".

وتابع: "فكرة أوضة اللبس والاختلاف: أوضة اللبس وكابتن أوضة اللبس.. أوضة اللبس مش اللي بيتمضي فيها عقود، لكن أوضة اللبس لجبر الخواطر وإنك تاخد بالك من النجوم، أوضة اللبس للتحفيز ولكل الأمور المحترمة للعمل الجماعي وأن كل الناس تقف جنب بعضها.. فلا صوت يعلو فوق صوت الجماهير".

كورونا.. لحظة بلحظة

أخبار الكورونا
911

إصابات اليوم

65

وفيات اليوم

730

متعافون اليوم

357629

إجمالي الإصابات

20412

إجمالي الوفيات

296897

إجمالي المتعافين

إعلان

Masrawy Logo loader

إعلان

خدمة الاشعارات

تلقى آخر الأخبار والمستجدات من موقع مصراوي