السيسي: "قولتلكم هتتعبوا معايا وفيه تحديات كثيرة جدا"

كتب- محمد نصار:

قال الرئيس عبدالفتاح السيسي، إن هناك تحديات تواجه الدولة المصرية منها ما يمكن مواجهته والتغلب عليها ومنها ما لا يمكن وفقا للوضع الحالي، مطالبا بضرورة التوعية بقضايا الدولة بشكل حقيقي.

وأضاف السيسي، خلال الندوة التثقيفية للقوات المسلحة بمناسبة الذكرى 47 لانتصارات أكتوبر المجيدة، اليوم الأحد: "بتكلم في اللي بتكلم فيه دايما، ان اللي إحنا فيه كتحديات فيه منها نقدر نتغلب عليها، ونشتغل ونبذل جهد ونستحمل، بالمناسبة هل أنا في البداية خالص لما اتكلمت معاكم قولتلكم أوهام ولا قولتلكم هتتعبوا معايا وفيه تحديات كتيرة جدا جدا".

وتابع الرئيس السيسي: لازم ربنا هيساعدنا لكن مهم إحنا كشعب ورأي عام يبقى منتبه للحرب اللي بيتم إدارتها دايما، محدش هيقدر ياخدكم ولا يهزمكم أبدا، اسمعوا لما حصل 2011 اللي كان عايز يوصل للحكم وصل امتى وهي مستقرة ولا وهي واقعة، وهي واقعة، طيب لو عايز أعمل أي حاجة في الدولة دي، لو حد عايز يهزمنا خارجيا طول ما إحنا ثابتين أو واقفين بغض النظر عن قوة الجيش حد يقدر، ما 67 كانت هزيمة قاسية جدا لكن الشعب وقف في قضيته بصموده برغم الدم اللي حصل".