"هدم الدولة على يد شعبها".. السيسي يكشف تفاصيل أخطر قضية تقلقه

كتب- محمد نصار:

قال الرئيس عبدالفتاح السيسي، إنه يكرر دائما فكرة الوعي ويتحدث عنها باستمرار، مؤكدا: بتكلم عليها القضية اللي أنا قلقان منها ودايما بشاور عليها هو إن إحنا نحافظ على بلدنا لأن دايما اللي كان بيتم لإسقاط الدول كانت حروب مباشرة.

وأضاف السيسي، خلال الندوة التثقيفية للقوات المسلحة بمناسبة الذكرى 47 لانتصارات أكتوبر المجيدة، اليوم الأحد: لكن دلوقتي فيه أجيال جديدة طالعة بتتعامل مع قضايانا وتعيد تصديرها للرأي العام في مصر علشان يخلي الرأي العام أداة تدمير الدولة.

وتابع الرئيس: كتير من رجال السياسة والمثقفين في أعقاب 2011 قعدت معاهم واتكلمت معاهم، فيه تسجيلات ليا مع الجنود والضباط يوعوا الناس بتوعهم علشان يعرفوا إن فيه آمال وأحلام ربما نكون غير قادرين على تحقيقها.

وأوضح: هل الموازنة وعجزها قادرة على تلبية احتياجات الناس ولا لأ، بقولك دخلك 2000 جنيه وأنت بتاخد 1500 جنيه يبقى عجزك 500 جنيه، الفكرة أنت عايز كام تصرفه على 100 مليون مواطن، ولما متصرفش الرقم ده ويتراكم عليك عدم الصرف يترتب عليه تحديات كتيرة جدا في كافة المجالات، يقوم يتصدرلك إن الدولة غير قادرة على تلبية مطالبها نتيجة فساد في الدولة قوم يالا هد الدولة.