السيسي عن المشروعات الجارية: "دي أقصى معدلات لكن المطلوب كتير"

كتب- محمد نصار:

قال الرئيس عبدالفتاح السيسي، إن الدولة تتحرك بجدية ومسئولية كبيرة لتغيير الواقع الذي تعيشه الدولة: "بنتحرك بجدية ومسئولية لتغيير الواقع اللي إحنا بنعيشه في مصر، ودي أقصى معدلات ممكن نعملها لكن المطلوب كتير".

وأضاف السيسي، خلال افتتاح مجموع الأسمدة الفوسفاتية بالعين السخنة، اليوم الأربعاء: "شغلنا هنا في مجمع الأسمدة 1500 شخص، طيب لو عايز تشغل مليون كل سنة، كتير مننا يقول فين الصناعة، الصناعة يقوم بها رجال الأعمال مش الدولة بس، وإحنا معاهم سواء بالأراضي أو من خلال التمويل من جانب البنوك".

وتابع السيسي: "إحنا بنيسر ده، والحقيقية رئيس الوزراء قال ممكن نفتتح كمان مشروعات خاصة برجال أعمال موجودين دلوقتي، وقلاع صناعية كبيرة، قولتله أنا معنديش مانع، نتحرك علشان نبين حجم العمل والتغيير اللي بيتم في الدولة، وجهد رجال وطنيين بيبنوا معانا".

وافتتح الرئيس عبدالفتاح السيسي، منذ قليل، مجمع الأسمدة الفوسفاتية والمركبة بالعين السخنة، والذي يعد من أكبر المشروعات القومية في مجال الأسمدة الفوسفاتية بالشرق الأوسط، وتجدر الإشارة إلى أن المجمع تم الانتهاء منه في وقتٍ قياسيٍ، وطبقًا لأعلى معدلات الجودة في العالم.