شريف مدكور يكشف سر غيابه: "فيروس في الدم مالوش علاج" (فيديو)

01:27 ص الإثنين 09 ديسمبر 2019
شريف مدكور يكشف سر غيابه: "فيروس في الدم مالوش علاج" (فيديو)

شريف مدكور

القاهرة- (مصراوي):

كشف الإعلامي شريف مدكور، في مقطع فيديو له على حسابه الشخصي بـ"فيس بوك"، سر غيابه عن الظهور طوال الفترة الماضية.

وقال مدكور: "أي مريض كانسر، يخضع للعلاج الكيماوي، مناعته بتقل، والفترة الأخيرة، تجاهلت الإرشادات الطبية، وكابرت وعافرت ونزلت الشغل، وسوقت العربية، وكنت بسلم على أي حد بأقابله، وجالي فيروس في الدم".

وأضاف: "لا أتذكر اسم الفيروس، هو مالوش علاج للأسف، لازم الجسم هو اللي يطرده، ونسبته عندي 900، في الوقت اللي بتوصل فيه عند باقي الناس من 150 إلى 200، بقالي شهر وأسبوع مصاب بيه، وحرارتي وصلت لـ39.5، الجسم عندي بيحاول يتخلص منه، لكن عندي أنيميا، والمناعة قليلة بسبب العلاج الكيماوي".

وتابع: "الحرارة الحمد لله قلت عندي، وإمبارح كتبت بوست إني كنت في المستشفى، ونقلت دم، عشان الجسم يقوى، ويطرد الفيروس، أنا اللي أهملت، وعافرت في الشغل، مش عايز حد يقلق، أو يخاف من مرض الكانسر، أنا اللي قصرت في حق نفسي".

واختتم: "أنا عامل الفيديو ده مخصوص لكل مرضى الكانسر، متقلقوش، الحمد لله، خلوا بالكوا على نفسكوا، ابعدوا عن الناس، بلاش السلامات والأحضان والبوس، عشان المناعة، أنا بس كنت بأخاف إن الأطفال يزعلوا لو مسلمتش عليهم، الفترة الجاية مش هأقدر أسلم على حد، هاضطر أحط كمامة، الحمد لله، أنا بخير، وربنا يشفي كل مريض إن شاء الله".

وأعلن مدكور، إصابته بمرض سرطان القولون، مطلع العام الجاري.

إعلان

إعلان