20 رسالة للسيسي بافتتاح حقل ظهر: "أنا أروح والـ100 مليون يعيشوا"

03:22 م الأربعاء 31 يناير 2018

تطبيق مصراوي

لرؤيــــه أصدق للأحــــداث

كتبت-مروة شوقي:

وجّه الرئيس عبدالفتاح السيسي، خلال كلمته في افتتاح مشروع حقل ظهر، اليوم الأربعاء، عددًا من الرسائل للمصريين، حيث تحدث الرئيس خلالها عن التصدي لأي محاولات لاستهداف المواطنين وتهديد استقرار مصر.

ويرصد مصراوي 20 رسالة للسيسي، خلال فعاليات افتتاح مشروع حقل ظهر:

- "لولا ترسيم الحدود مع قبرص، ما كان اكتشاف حقول الغاز داخل حدودنا الغربية".

- "طالبت شركة إيني بالانتهاء من المشروعات الجديدة في العام الجاري".

- "يجب تجهيز القوى السياسية لأنها هي التي ستقود البلاد في المستقبل".

- "البعض كان يريد أن تسوء العلاقات بين مصر وإيطاليا، عشان مانوصلش لده، عرفتوا ليه عملوا مشكلة".

- "نعزي أسرة الباحث الإيطالي جوليو ريجيني، ومصر ستصل إلى حقيقة مقتله، مش هنسيب الموضوع ده، لحد ما نعرف الجناة ونحاسبهم ونقدمهم للعدالة في مصر".

- "قسماً بالله ان اللي إنتم شايفينه في حقل ظهر الآن ما كان يتحقق غير بالاستقرار والأمن وثبات المصريين يد واحدة".

- "البلاد لا تنهض بالكلام ولكن بالعرق والجهد والمسؤولية والأمانة والإخلاص والشرف".

_"ثمن أمن واستقرار مصر حياتي وحياة رجال الجيش".

- "من فضلكم محدش يخدكم للضياع".

- "أنا أروح والـ100 مليون يعيشوا وربنا يحفظنا كلنا".

- "اللي عاوز يلعب بأمن مصر يخلص مني الأول، والكلام اللي من 7 سنوات مش هيتكرر تاني في مصر".

- "أنا مش سياسي، وواضح إن الناس مش واخدة بالها، البلد علشان ترجع تاني ربنا وحده اللي يعلم".

- "أي حد يفكر يقرب من مصر لأ، هقول للمصريين انزلوا تاني إدوني تفويض قدام الأشرار".

- "هاخد إجراءات ضد أي حد يعتقد انه يعبث بأمن مصر، وما بأخافش غير من ربنا وعلى مصر بس".

- "يا جماعة علشان تتكلموا عن دولة –ما تزعلوش من اللي هقوله- انتوا محتاجين تتعلموا سنين طويلة، أنا بقالى 50 سنة بتعلم، يعنى ايه دولة وبعلم نفسي".

- " الحقيقة عايزة جهد وشقاء وقسوة على نفسنا علشان نخرج من اللي إحنا فيه".

- "الإعلامي لازم يفهم ما تقوم به الدولة لإيصاله للمواطن البسيط بلغة يفهمها، فلو وصلت المعلومة غلط، المواطن هيجيله إحباط، واحذر إذا كان فى ناس بتسمعك لأنك بتكلم شعب لازم تخلي بالك قوي".

- "الناس بتحترم اللي بيزعقوا، إنما اللي بيعمل في صمت مالهوش حظ، أنا بقول كدا علشان حتى لو ماقدرناش شريف إسماعيل ربنا هيقدره".

- "الناس اللي عايزة تعرف الاحتياطى راح فين، راح عشان نجيب بـ1200 مليون دولار كل شهر مشتقات بترولية عشان نعوض التسبب فى إيقاف العمل وتراجع الإنتاج بتاع الحقول نتيجة توقف التطوير أثناء حالة الثورة".

- "بفكركم وأفكر كل مصري بيحب بلده ومش بيزايد ويكابر لأن مفيش مصلحة بعد بلدك واحنا محتاجين وقت كتير قوي".