السيسي يوجه 18 رسالة إلى المصريين.. "كل مانستحمل أكتر هنطلع قدام أكتر"
كتبت- ياسمين محمد:
الرئيس عبد الفتاح السيسي
تابعنا على
وجه الرئيس عبد الفتاح السيسي عدة رسائل للمصريين، خلال كلمته التي ألقاها على هامش افتتاحه عدداً من المشروعات التنموية بمدن القناة، اليوم السبت.
ويرصد "مصراوي" أهم رسائل الرئيس للمصريين:
- "لا يمكن يبقى فيه عندكم قلق أبدًا".
- "أنا عارف انكم مش خايفين، انتوا تخوفوا الدنيا كلها".
- "إحنا بفضل الله ماشيين بخطى جيدة في المشروعات التنموية".
-"أنا مش ببيع الوهم وهكون صادق ومخلص معاكم".
- سيناء أرضنا.
- القوات المسلحة ستضع حدًا للإرهاب بكل العنف.
- "مفيش أي تهديد خارجي تخافوا منه، احنا نموت ولا حد يقرب من أرضنا".
- "أنا مش بخاف غير منكم أنتوا يامصريين، تكاتفوا علشان نتحدى الدنيا كلها".
- "إحنا مش أشرار ولا متآمرين ولا طماعين في خير حد أو أرض حد، إحنا طمعانين في كرم ربنا بجهدنا".
- "ربنا بيساعد الصالحين اللي بيبنوا وبيعمروا، إحنا مش بندمر ولا نخرب، إحنا بنجري على أهلنا المصريين".
- 30 يونيو 2018 سنعبر أنفاق القناة من الإسماعيلية وبورسعيد لسيناء.
- هناك تكليف لوزارة الإسكان والهيئة الهندسية لتدشين مشروع عمراني متكامل بسيناء يتكلف 100 مليار جنيه وينتهي خلال عامين أو ثلاثة.
- "المشروعات هتنتهي سواء أنا موجود أو لأ، لإن الشغل مش بيقف على حد، بيقف على شعب مصر".
- "ماتفهموش كلمة قلقي غلط، أنا أقصد بيها وحدة المصريين، طول ما قلبنا على قلب بعض وعلى بلدنا هنوصل أكتر".
- "دعم المصريين وتحملهم سبب ما نحن فيه الآن، وكل ما نستحمل أكتر هنطلع قدام أكتر".
- "نعمل في كل المجالات بالتوازي، ومش سايبين مجال".
- "احنا مستعدين نضحي، لأجل بلدنا وأنا أولكم والله العظيم ولا حد أبدًا يمسّك يا مصر ولا يمسّ أرضك ولا شعبك، أهم حاجة نبقى مع بعض".
- "هنشوف هنعمرها ولا هنعمرها".
