باسم يوسف يروي حكايته مع "عبدة الشيطان".. ومقلب مفيد فوزي

روى الإعلامي باسم يوسف، قصته مع الإعلامي مفيدي فوزي عن ما يعرف بـ "عبدة الشيطان"، ومدى وجودهم على أرض الواقع، أم أنه تعبير عن القوة الغاشمة والجماعات البوليسية.

واستند يوسف - في تدوينات عبر صفحته الرسمية على موقع "تويتر"، لمقال للكاتب باسم حافظ، عن "أكبر فضايح الدولة البوليسية: قضية عبدة الشيطان"، وقال إن هناك قصة طريفة حدثت له حول القضية مع مفيد فوزي.

وتابع قائلاً: "كان مفيد فوزي يقدم برنامج حديث المدينة، و داير يلف في نادي الجزيرة يسأل الناس و ياخد منهم تصريحات بتدين عبدة الشيطان، جيت في سكته فسألني قولتله دي كلام فارغ لو العيال دي مذنبة في جرايم مخدرات و لا حاجة و فيه دليل يبقى نتكلم عن كده بس عبادة شيطان و بتاع ده كلام مش صح".

وذكر أن مفيد فوزي، كان سبب في سخرية عائلته منه عندما استضافة في برنامجه "حديث المدينة"، وحذف الجزء اللي تحدث فيه من الحلقة بقوله: "كلمت عيلتي كلهم و قلتلهم يا جدعان، أنا حاطلع في حديث المدينة و كل العيلة اتكلمت قدام التلفزيون، لاحظت أن كل اللي بيجيبهم بيوصلوا الكلام اللي الدولة عايزاه من تنديد و شجب و اتهام، البرنامج خلص و الحتة اللي أنا فيها اتقطعت بالكامل و طبعا كان شكلي وحش قدام العيلة سألت ناس أعرفهم في النادي و الجامعة و طلع أن كل واحد قال كلام عاقل في الموضوع أنشال في المونتاج فأصبح حديث المدينة هو حديث السلطة".