بالفيديو .. تاخد كام وتموت.. ثائر يخاطب جنود وزارة الدفاع

كتب - محمد سليمان :

''تاخد كام وتموت؟'' .. كان هذا سؤال وجهه احد المتظاهرين امام وزارة الدفاع، لجنود الجيش المصطفين امام الوزارة للتصدى للتظاهرات التى انطلقت اليها الأربعاء .

شاهد الفيديو

ثائر امام وزارة الدفاع

وكان أحد المتظاهرين قد خرج من بين صفوق المحتجين، ووجه حديثه الى الجنود قائلا، ''ممكن تاخد كام وتموت او يموت ابنك او تفقد عينك''، فى إشارة الى احاديث العمالة والتخوين التي تطال الثوار.

وتابع: '' احنا شباب جامعى بنشغل وبنقبض.. مش نازلين عشان الفلوس .. ملعونة الفلوس .. احنا نازلين عشان الدم .. عشان اخوتكم المصريين اللي  بيموتوا''، مضيفا '' انتوا اما تقتلوا محدش بيمسكوكوا بيقولوا عليكوا جنود وبينفذوا الاوامر لكن احنا لما نموت بيقولوا علينا بلطجية''.

وخطاب المتظاهر جنود الجيش قائلا '' احنا بنطالب بالحرية لضباط 8 ابريل اللي اتسجنوا لانهم عملوا حاجة واحدة غلط وهى انهم نزلوا الميدان بالبدلة الميري''.

وأوضح المتظاهر '' انا مش بحرضوكوا ضد الجيش .. انا بحرضكوا ضد الفساد .. ضد اللي بيقولك اقتل اخوك .. ضد اللي بيقولك اننا بلطجية .. احنا مش بلطجية احنا شباب جامعية .. فى ستات اولادهم ماتوا ونفسهم يجيوا يكلمكوا بس خايفين بسبب اللي واقفين وراكوا'' .

وحكى المتظاهر رواية لإحد أصدقاءه قائلا '' انقذ صديقي احد الجود من متظاهرين غاضبين ..  وعندما اراد ان يعود به الى معسكره .. صرخ العسكري ''الدرع والعصاية يا بيه هيسحبوني''، وتابع المتظاهر '' رؤساءه فهموه ان الدرع والعصاية أهم من حياتك .. احنا وصلناه للكتيبة بس مش هنقدر نمنع رؤساءه من انهم يعاقبوه''.

وشدد المتظاهر للجنود ''احنا بننزل ليه واحنا عارفين اننا هنموت .. لاننا مؤمنين ان الحق احق ان يتبع .. اسمع اوامر قادتك فى الجيش  . ولو قالك اقتل قوله هجيبه منشعره لحد عندك .. بس انى اقتل اخويا لأ'' .

اقرأ ايضا:

المجلس العسكرى: أنقذوا مصر من الفوضى