"لية كل واحد يشتكي ناخده النيابة؟".. مشادة بين الحديدي وعضو الأطباء بسبب أزمة ميدو

كتب – معتز عباس:

وقعت مشادة كلامية بين الإعلامية لميس الحديدي وعضو نقابة الاطباء الدكتور خالد أمين عضو لجنة آداب المهنة بنقابة الاطباء،على أزمة أحمد حسام ميدو.

وقالت الإعلامية الحديدي، في برنامج "كلمة أخيرة"، المذاع عبر فضائية "أون إي"، مساء الأحد:"ممكن يكون إستخدم ألفاظ قاسية أو عمم لكن مواطن ومن حقه يشتكي وأكيد مش مختلق قصة ومش كل واحد نختلف معاه نوديه النيابة ليرد الأخير".

ورد عليها عضو نقابة الأطباء قائلًا: "يروح يشتكي في النيابة وما يعملش فيديو لايف"، لترد عليه الحديدي، قائلة: "هو كل حد يشتكي من جهة يروح النيابة، كده الناس مش هتنطق".

وأكملت مقدمة البرنامج تعليقها، قائلة: "يروح النيابة ليه يشتكي هناك، إنت عارف كويس أنو لو راح للنقابة، كان هيبقى مصير الشكوى زي أخطاء الإهمال الطبي، ومش هيوصل لحاجة"، ليعقب أمين النقابة: "ده مش حقيقي جهات التحقيق بتاخد حق الناس، ويتم التحقيق مع أطباء ويتم التعامل معهم بمنتهى الشدة، وناس كتيرة حقها رجع، إحنا عاوزين نكرس لدولة القانون ".

وعادت "الحديد"، للرد: "إيه علاقة الشكوى بدولة القانون ملهاش علاقة؟، ده مواطن عنده مشكلة". ليرد "خالد أمين"، قائلاً: "هو ماقلش أنه راح ملقاش دكاترة هو عاوز دكاترة كبار من نوع خاص ".

وأوضح ان الالتزام في التوضيح والاشتراط بوجود أطباء كبار وصغار تكون أكثر قسوة وتواجدهم في المستشفيات يخضع لتعليمات مشددة أكثر من الأيام العادية.

وتساءلت "الحديدي"، قائلة: "ليه بدل ما تكلموا الراجل تسألوه في شكوته، نوديه النيابة معدش حد عارف ينتقد أطباء ليه؟"، ليرد عضو النقابة: "ده مش دورنا أننا نفتش على المستشفيات، ده دور النيابة العامة المفروض يروح يقدم تفاصيل شكوتة هناك".