عروس كفر الدوار عن فيديو عقد القران: كسروا فرحتي

كتب- حسن مرسي:

استنكرت أمنية طارق، عروس كفر الدوار، الهجوم الذي تعرضت عبر مواقع مواقع التواصل الاجتماعي بعد انتشار فيديو لها أثناء عقد قرانها وهي توصي زوجها على أهلها أمام الحضور.

وقالت أمنية طارق في مداخلة هاتفية مع الإعلامي عمرو أديب ببرنامج "الحكاية" المذاع على فضائية "إم بي سي مصر، مساء اليوم السبت: "أنا معملتش أي حاجة ولقيت نفسي متبهدلة خالص، ده كان كتب كتاب فقط وأهلي وأهل جوزي كانوا موجودين وحبيت أقوله كلمتين كويسين وقولتله أنا مش هلاقي أرجل منه وبعد ما لقيت الدموع في عين أهلي لأن أنا بنت وحيدة طلبت منه أنه يشيل أهلي في عينه".

وتابعت عروس كفر الدوار: "أنا كنت متوترة وبعدها لقيت تعليقات سلبية وجوزي متبهدل، أصحابي اللي صوروا الفيديو ورفعوا وكانوا فرحانين بيا ومكنش قصدهم أي حاجة"، كسروا فرحتنا والكلام اللي قولته مفيهوش أي غلط".

وأوضحت عروس كفر الدوار خلال حديثها: "إحنا مطلقناش زي ما لتقال في السوشيال، ونفسيتي زي الزفت، لما كنت بوصي زوجي بأمي وأبويا دي كانت أقل حاجة أقدمها لهم بعد ما ربوني وعلموني".