أحمد موسى: "الداخلية بتأمن 100 مليون مواطن ومفيش حتة ميبقاش فيها أمن"

كتب – معتز عباس:

أشاد الإعلامي أحمد موسى، بالتطور الذي تشهده أقسام الشرطة وأحوال المرور والجوازات، مؤكدًا أنها مختلفة تمامًا عن تلك التي كانت سابقًا، متابعًا: "انتا نايم في بيتك آمن بس في حد تاني سهران عشان تنام في بيتك بشكل آمن وبيعملوا دوريات، والوضع اختلف حاليًا ولم يعد كما كان في السابق".

وأضاف "موسى"، خلال تقديم برنامج "على مسئوليتي"، المذاع عبر قناة "صدى البلد"، اليوم الإثنين، أن الوضع اختلف اليوم عن السابق بعد التطور الملحوظ في تقديم الخدمات للمواطنين، مشيدًا بجهود رجال مباحث الإنترنت لخدمة المواطنين بخصوص شكاوى وسائل التواصل الاجتماعي.

وأكد أن الأكمنة تعمل على مواجهة الجريمة وإحباطها، أو كشفها، مستطردًا: "مين يخاف من رجل الأمن وأنا هقولك لو ماشي سليم لا عندك مشاكل ولا مطلوب في اي حاجة معندكش مشكلة تخاف ليه تمشي زي ما انتا عايز، الأكمنة بيبقى موجود عشان عنده بلاغ عن عربية او حد معين عشان يكشف جريمة".

وتابع: "الشوارع كلها كاميرات حد يضايق منها لا.. مين يخاف من الكاميرات حد ارتكب جريمة أو ارتكب جريمة وخايف يتمسك، والداخلية بتأمن 100 مليون مواطن، وكل سنة بتخرج دفعات جديدة لمواكبة التنمية؛ ومفيش حتة ميبقاش فيها أمن".؟