شاب يعرض"ذئاب" للبيع أونلاين: "بيوصل سعرها 10 آلاف جنيه"

كتب- محمد خميس:

كشف محمد إبراهيم، صائد الذئاب بقنا، عن تفاصيل اصطياده للذئاب، قائلًا: " بقالي 8 سنين بشتغل في صيد الذئاب، وبصطاد ممكن 6 ذئاب في الشهر"، مضيفًا: "في أكتر طريقة بصطاد بيها الذئاب، وهي طريقة بالقفص الحديد ووضع فرخة أو أي شيء لجذب الذئب إليها، أو طريقة بتابع الجحر بتاعه لحد ما أعرف أنه مش موجود فباخد الخلفة بتاعته".

وأوضح "إبراهيم" في مداخلة هاتفية لبرنامج "مساء دي إم سي" على فضائية "دي إم سي" اليوم السبت: "في ناس بتحب تربيه الذئاب مثل تربية الكلاب"، متابعًا: "أتلقي عبر صفحي علي فيس بوك عشرات العروض من مواطنين لشراء الذئاب.. وفيه مزاد بعرض فيه الذئاب، والناس بتقول ألف وألفين وأحيانا بيوصل سعره لـ10 آلاف".

وأردف: "ببيع ممكن أقل حاجه 3 آلاف في الشهر، وبعض المواطنين يستخدمون الذئاب في طرد الجن عن طريق قتلها.. علشان الجن بيخاف من المكان اللي فيه الذئب".