"هي دي شهامة المصريين".. المتزوج ببريطانية تجاوزت الـ70 يرد على مهاجميه
تطبيق مصراوي
لرؤيــــه أصدق للأحــــداث
كتب- محمد جمعة:
قال الشاب المصري محمد إبراهيم، المتزوج من بريطانية تجاوز عمرها سبعين عامًا، إنه تعرف عليها عبر موقع التواصل الاجتماعي "فيسبوك" وتبادلا الإعجاب، ثم تزوجا عندما طلبت منه الحضور إلى مصر والعيش معه، متابعًا: "مفيش حاجة اسمها فرق سن في الزواج".
وأضاف إبراهيم، خلال مداخلة مع فضائية "مساء dmc"، اليوم الأحد، ردًّا على مهاجمته في الصحف المصرية والإنجليزية والسوشيال ميديا واتهامه بالطمع في أموالها: "الحب تفاهم وشعور جميل وراحة نفسية، ومش ذنبي إن الناس مادية وبتنظر إلى الفلوس.. السعادة مش مال وبس، والحمد لله أنا راجل مستريح، وهي مش غنية وتعيش بمعاشها الشهري".
وتابع الشاب المصري: "أولادها كانوا معترضين، لكنهم تفهموا دلوقتي، وقالوا لي إنك بتراعيها أكثر مننا، فرديت عليهم بإن دي شهامة المصريين".
واستطرد إبراهيم: "مش زعلان من إخواتي المصريين اللي بيهاجموني على السوشيال ميديا، لكن لو حد بيهاجم بلدي مش هاسمح له.. لكن فوجئت إن فيه ناس عندها أمراض نفسية.. وبنات بلدي أحسن بنات؛ لكن دي راحة شخصية، وبنشوف حالات طلاق كتيرة لبنات في سننا".
وأضاف الشاب: "تزوجنا من أول يوم جَت فيه مصر.. وهي كانت طلبت مني تنزل مصر تقعد معايا، فقلت لها لازم نتزوج".
فيديو قد يعجبك:
