إعلان

إبراهيم حجازي: "المصريون ربطوا على بطونهم من حديد لإعادة التسليح في حرب أكتوبر"-فيديو

10:50 م الثلاثاء 08 أكتوبر 2019
إبراهيم حجازي: "المصريون ربطوا على بطونهم من حديد لإعادة التسليح في حرب أكتوبر"-فيديو

كتب- محمد خميس:

قال الكاتب والإعلامي إبراهيم حجازي: "كل سنة والمصريون كلهم بخير وكل سنة وجيشنا بخير، 46 سنة فاتت على حرب أكتوبر ولكن اللي معيِّشني لحد دلوقتي إني حاسس إن حرب أكتوبر دي كانت امبارح، وحاسس إننا لسه زي اللي كنا فيه".

وأضاف حجازي، خلال حواره مع برنامج "مساء دي إم سي"، اليوم الثلاثاء، أن حرب أكتوبر بدأت يوم 9 يونيو 1967، في عز الهزيمة، لما الشعب طلع للشوارع، موجهًا رسالته إلى شباب مصر، قائلًا: "إوعوا للحظة تفتكروا إننا قليّلين، بالعكس احنا شعب جامد أوي وعظيم أوي، وفي الوقت اللي مصر اتكسر وسطها خرج يوم 9 يونيو وقال للرئيس جمال عبد الناصر إحنا معاك، ومسك على العزيمة".

وتابع الكاتب والإعلامي: "نفسي كل المذيعين يمسكوا على وعينا ده؛ لأن الشعب المصري في 1967 عمل حاجات هي الأساس؛ قدّم من ولاده مليون واحد تاني، الجيش كان فيه 300 ألف وأصبح فيه مليون و300 ألف مصري، وما كانش فيه أسرة في مصر إلا ولها 454545fdshحَد في الجيش.. المصريون ربطوا على بطونهم بحزام حديد؛ كي يذهب كل قرش إلى التسليح".

واستطرد حجازي: "الشعب المصري ووقفته جنب جيشه هي اللي خلّت جيشنا رقبته طايلة السماء".

فيديو قد يعجبك: