خيري رمضان ردًا على البطل محمد إيهاب: "مش زعلان منك" - فيديو

كتب - معتز عباس:

علق الإعلامي خيري رمضان، على رفض ظهور محمد إيهاب بطل مصر في رفع الأثقال معه في برنامج "مصر النهاردة"، إلا بعد الحصول على مبلغ 10 آلاف جنيه، قائلًا: "بلاش غرور وأفتكر الماضي".

وأوضح "رمضان"، خلال تقديمه برنامج "مصر النهارده"، المذاع على الفضائية "الأولى"، اليوم الأحد، أن اللاعب بطل مصر في رفع الأثقال ويستحق، فهو قيمة كبيرة ورفع علم مصر في العديد من البطولات الدولية الكبرى، متابعًا: "لما كنت بتشتكي من الظروف المالية السيئة وطلعت معايا.. الآن هذا حقك ويجب أن تحصل على الكثير من الاتحاد وتُكرم أنت وزملائك".

وأضاف: "إحنا مش بنشتغل وندي فلوس للناس.. لا التلفزيون بيدفع فلوس ولا إحنا هندفع فلوس.. واللي كانوا في الحلقة إمبارح ليسوا صغار.. أنا من أوائل الناس اللي احتفيت بيك ومش زعلان منك.. ده شغلي اللي باخد عليه أجر، مليش شغلانة تانية ولو قولتلي تعالى معايا النادي مش هقولك أديني فلوس".

ووجه رسالة إلى بطل مصر قائلًا: "أنت كنت مفتاح لظاهرة بدأت تظهر في مصر (لما تعوز حد يقولك هات فلوس)، احنا بنحتفي بنجوم مصر وبالشخصيات التي برزت في سماء ومصر ويحتاجون لدعم.. دعوتي لك لأنك حققت انتصار.. ولو كان عندك مشكلة كنت هدعوك تتكلم فيها ومش هقولك أدفع فلوس عشان تطلع".