إعلان

"مش هتلاقوا شغل".. رسالة شريف مدكور للطلاب الراغبين في كليات الإعلام (فيديو)

03:04 م الجمعة 12 يوليه 2019

شريف مدكور

كتبت - عايدة رضوان:

وجَّه الإعلامي شريف مدكور، رسالة لطلاب الثانوية العامة الراغبين في الالتحاق بكلية الإعلام، قبل انطلاق أعمال التنسيق.

وقال شريف مدكور في فيديو بثه عبر حسابه على "فيسبوك" اليوم الجمعة: "بما إن نتيجة الثانوية العامة هتظهر بكرة أو بعده، عاوز بس أقول نصيحة للناس اللي عاوزه تدخل إعلام، سوق الإعلام في مصر تقريبًا مقفول، قنوات كتيرة بتقفل، وقنوات ممكن تقفل.. مابنصحش أي حد يدخل كلية الإعلام، علشان مش هتلاقوا شغل في الإعلام".

وأضاف: "المذيعين وكل الناس اللي دخلوا إعلام وكده بقى العدد في اللمون في كل المجالات، فأنا مابنصحش بدخول الإعلام، كلية السياحة والفنادق كانت زمان من كليات القمة، لكن مابقتش من كليات القمة عشان السياحة كانت حالتها مش كويسة الكام سنة اللي فاتوا، فأنا بنصح الناس تدخل كلية السياحة والنفادق مرة تانية، بس إنسوا إعلام دي تمامًا".

وأرجع "مدكور" نصيحته بعدم الالتحاق بكلية الإعلام، إلى قلة الوظائف واضطرار عدد من وسائل الإعلام للإغلاق خلال الفترة الماضية.

وقال مدكور: "الشغل في الإعلام دلوقتي للناس اللي عندها خبرة فقط؛ المذيعين أو المذيعات اللي ممكن يقعدوا شوية ويستمروا هما الناس اللي عندهم خبرة بقالهم فترة وعندهم رعاة، غير كده الشغل في الإعلام مقفول ومش هيكون فيه شغل في الإعلام، دي نصيحة لوجه الله، يومكم حلو زيكم".

فيديو قد يعجبك: