"مش عايزين جملة أنت أخدت كحكة"..طارق شوقي يكشف عن تفاصيل نظام التعليم الجديد

كتب- محمد خميس:

قال الدكتور طارق شوقي، وزير التربية والتعليم، إن دور المدرس في تطبيق النظام الجديد للتعليم هام جدًا، معقبا "احنا مش بندي الطلاب الدرجات اللي تخلي الأهالي تقول لأولادها انت وحش..أو انت كويس..أنا عاوز أصلح غلطات الطلاب بس مش عاوز احاسبه".

وأضاف "شوقي في مداخلة هاتفية لبرنامج "يحدث في مصر"، على فضائية "إم بي سي مصر" اليوم الثلاثاء: مش عايزين الطالب يقول لزميله أنت أخدت كحكة، وأنا نجحت وأنت سقطت"، مشددًا على ضرورة خروج الطالب من دائرة الضغط.

وتابع:"أحنا في النظام الجديد مش عاوزين كلمة أنت اخدت كحكة..أو أنت سقطت..أو أنت نجحت..لا خالص..أحنا مش عاوزين نرهب أولادنا من التعليم..أحنا عاوزين نحببهم في التعليم".

وأكد، وزير التربية والتعليم، أن المعلمين برياض الأطفال والابتدائي يحصلون على دورات لتطوير أدائهم بما يتماشى مع فلسفة التعليم الجديدة والنهوض بالعملية التعليمية.