اللي ماتعرفهوش بقى أفضل من اللي تعرفه.. شوقي: التعليم يحتاج إلى المعرفة

كتب- أسامة علي:

قال الدكتور طارق شوقي، وزير التربية والتعليم والتعليم الفني، إن التعليم في الوقت الحالي يحتاج إلى المعرفة بالعلوم ومهارات الكمبيوتر والإنترنت.

وأضاف شوقي، خلال كلمته في حفل تكريم نوابغ الثانوية العامة والدبلومات الفنية، اليوم الإثنين، أن "المثل اللي بيقول اللى تعرفه أفضل من اللى ماتعرفهوش، يعد جملة سلبية جدًّا، مش يمكن اللي ما تعرفهوش أفضل؛ وبالتالي نقدم الأفضل لأولادنا، ومن ثمَّ تم وضع أبحاث لطلابنا مش بسبب "كورونا"، والتعليم لازم يكون له تأثير على بناء شخصية الطالب".

وطالب وزير التربية والتعليم أوائل الثانوية العامة بإجراء امتحانات من فترة السبعينيات مثلًا، قائلًا: ونجرب هتعملوا فيه إيه، ونشوف شكل الامتحان بتاع جدودكم.. زمان ماكانش نسمع عن الفتنة الطائفية أو التحرش.. التعليم في فترة السبعينيات كان مختلفًا".

وأوضح شوقي أنه كانت هناك هيبة للمعلم والمدرسة، متابعًا: "زمان ماكاناش نسمع عن مصطلحات زي الفتنة الطائفية أو التحرش، وما كناش محتاجين كتاب للقيم والأخلاق، واحنا عملناه عشان غابت القيم والأخلاق عن مجتمعنا".