طريقة عمل البان كيك

البان كيك فطار محبب لدى ناس كتير وبيحتوى على سعرات عالية تديك طاقة طول اليوم.

الوقت

وقت التحضير : 15 دقيقة
وقت الطهي : 10 دقائق
الوقت الكلى : 25 دقيقة

عدد الاشخاص: 4

المقادير

• 2 ½ x معلقة صغيرة باكينج بودر
• 2 x عدد بيضة
• 2 x معلقة كبيرة سكر
• 2 x كوب (240 مللى) لبن كامل الدسم
• 2 x كوب (140 جرام) دقيق
• 2 x معلقة كبيرة زبدة (دايبة)
• 1 x معلقة صغيرة فانيليا
• ½ x معلقة صغيرة ملح

الخطوات

1. هنخلط الدقيق و السكر والملح والباكينج بودر فى بولة كبيرة
2. هنخلط البيض واللبن والفانيليا فى بولة تانية ونضرهم بمضرب بيض كويس جدا.
3. هنضيف الخليط الأول للخليط الثانى مع التقليب جيدا
4. هنضيف الزبدة ونخلط كويس لحد ما الخليط يتماسك
5. هنجيب طاسة صغيرة وندهنها بالزيت ونحطها على النار ونصب فيها من الخليط بالكبشة كمية قليلة على حسب المقاس المطلوب.
6. بعد ظهور فقاقيع كثيرة على سطح البان كيك نقلبها على الوجه الآخر لمدة دقيقة ثم ترفع من على النار.
7. تقدم مع العسل أو النوتيللا