ساندوتش الفراخ بالصوص الصينى

400 جرام صدور فراخ متقطعة شرايح
1 بصلة كبيرة متقطعة
1 فلفل اخضر متقطع
1 فلفل احمر متقطع
زيت زيتون
خس متقطع شرايح رفيعة
1 ملعقة شاي سكر بنى مطحون
2 ملعقة كبيرة صوص صويا
50 جرام خل عنب
6 قطعة عيش شامى
اول حاجة تكونى ناقعة صدور الفراخ فى ماية بخل من بليل.
اول حاجة فى التحضير انك تشوحى البصلة مع الفلفل الاخضر والاحمر بزيت الزيتون.
بعد كده فى طاسة تانية تحطى زيت الزيتون وتبتدى تشوحى فى شرايح الفراخ لغاية ما يبقى لونها دهبى .
بعد كدة تروحى ضايفة عليها البصل والفلفل بعد ما اتشوحوا.
وبعدين تحضرى الصوص الصينى بإنك تخلطى فى طبق غويط السكر البنى مع صوص الصويا و خل العنب.
و تجيبى العيش الشامى، وتحشيه بشرايح الفراخ مع الفلفل والبصل مع الخس، وتحطى فوقهم الصوص الصينى.
ممكن تضيفى كاتشب أو مايونيز ، مسطردة.
تقدميها مع بطاطس صوابع و مخلل.