طريقة عمل الحواوشى

الحواوشى من اشهر الأكلات الشعبية فى المطبخ المصرى. وصفة سهلة!

وقت التحضير : 10 دقائق

وقت الطهي : 40 دقيقة

الوقت الكلى : 50 دقيقة

عدد الاشخاص :4

المقادير

• 4 x عدد رغيف عيش بلدى
• 1 x معلقة صغيرة شطة
• 1 x معلقة صغيرة ملح
• 1 x عدد بصلة (مقطعة لقطع صغيرة)
• 1 x معلقة صغيرة جنزبيل (طازج مبشور أو بودر)
• 1 x معلقة صغيرة فلفل اسود مطحون
• ½ x كيلو لحمة مفرومة (ملبسة أو فيها نسبة دهن متوسطة)
• ½ x معلقة صغيرة قرنفل
• ½ x كوب (140 جرام) فلفل أحمر حلو (مقطع لقطع صغيرة)
• ½ x معلقة صغيرة قرفة

طريقة العمل

1. اخلطى كل المقادير فى بولة كبيرة ونعجنها كويس.
2. وقسمى اللحم لأربع كرات واعملى فتحة فى ارغفة العيش لتحشيه.
3. افردى كرات اللحم كويس جدا جوة الرغيف ونقفله واضغطيه جيدا باليد.
4. ضعى الرغيف على الوجه المطفى من ورق الفويل وادهنيه من الناحيتين بشوية زيت قليليين جدا بس علشان ميلزقش فى الفويل واقفليه عليه جيدا.
5. على صاجة الفرن افردى ورق زبدة وادهنيه بالزيت ونحط عليه الأرغفة المغلفة بالفويل وادخليه الفرن على درجة حرارة 180 لمدة 20 دقيقة.
6. بعد 20 دقيقة اقلبى الأرغفة على الوش التانى وسيبيها فى الفرن 20 دقيقة كمان. الحواوشى جاهز للتقديم.. بالهنا والشفا.

يمكنك متابعة أهم وأحدث المقالات على الفيس بوك عبر صفحة مصراوى - هو وهي