طريقة عمل كفتة الفرن

المدة: حوالي ساعة

الصعوبة: سهل و سريع

عدد اﻷفراد :1 - 3

المكونات

• 1 كيلو لحم مفروم
• 2 ثمرة بصل كبيرة مفرومة
• 5 ملعقة كبيرة بقدونس اخضر مفروم
• 1 عود كزبرة اخضر مفروم
• 1 ملعقة كبيرة فلفل اسود
• 5, ملعقة كبيرة قرفة مطحونة
• 2 ملعقة كبيرة زبدة او زيت زيتون
• 100 جرام صنوبر
• ملح
• 1 كوب طحينة
• 2 كوب مية
• 2 ثمرة ليمون معصورين
• 1 كيلو طماطم مقطعة ترانشات
• 400 جرام صلصة طماطم
• كمون مطحون

طريقة العمل

1. اخلطى جيدا اللحمة المفرومة مع البصل، البقدونس، الكزبرة، الفلفل الاسود، الكمون، القرفة، والملح.
2. ثم ادهنى صينية الفرن بالزبدة أو بزيت الزيتوت (زى ما تحبى)، و صبعى الكفتة (وياريت سمكها ما يكونش اكبر من 2سم) وتشوحيهم حاجة بسيطة خالص فى الطاسة بزيت الزيتون قبل ما تضعيهم فى الفرن، وثم رصيهم فى صينية الفرن.
3. ضعى الكفتة فى الفرن لمدة 20 دقيقة على درجة حرارة .220
4. ثم حضرى الصلصة: اخلطى الطحينة مع عصير الليمون، ملح وكوبايتين المية (اهم حاجة تكون الصلصة سايلة تماماً)، و غطيها جيدا .
5. بعد العشرين دقيقة ما يخلصوا تقومى تطلعى الصينية من الفرن و ترشى الصلصة والصنوبر على الوش فوق الكفتة، وترصى ترانشات الطماطم عليها ومعاهم شوية صنوبر.
6. ممكن قبل ما تغطى وش الكفتة بالصلصة والصنوبر والطماطم، ممكن تحطى شرايح بطاطس، أو صوابع بطاطس مقلية وبعد كدة ترشى الصلصة والصنوبر وتغطيهم بشرايح الطماطم.
7. رجعيها تانى الفرن لمدة 30 دقيقة.
8. تقدم ساخنة مع أرز و سلطات ومخللات، وبالهنا والشفا

يمكنك متابعة أهم وأحدث المقالات على الفيس بوك عبر صفحة مصراوى - هو وهي