رد المخرج خضر محمد خضر، على مهاجميه، بعد وفاة طليقته ياسمين سيف أبو النجا، ابنة الفنانة نجلاء فتحي، وتعليق البعض أنه تخلى عنها في أزمة مرضها، وأن حالتها الصحية تأثرت بعد انفصالهما.
تعليق خضر محمد خضر
وكتب خضر محمد خضر عبر حسابه بموقع فيسبوك: "ممكن أحكيلكم مين اللي ضحك على ياسمين ووالدتها وأقنعهم إنها تعمل قسطرة تكميلية في المستشفى بتاعتها.. بدل الجراحة التكميلية اللي الدكتور الإسباني رفض يعملها عشان مايحصلش مضاعفات واحتمال وفاة.. وحذرها من القسطرة وأنا وزين حذرناها وللأسف عملتها من ورا ضهرنا".
واستكمل: "وممكن احكيلكم على كل حاجة كل اللي نفسكم تعرفوه، بس بشرط.. كل واحد فيكم يحكيلنا الأول عن أسرار بيته والخبايا اللي ماحدش ينفع يعرفها وعلاقتكم كأسرة وعلاقتكم كأزواج ومين عمل إيه بالتفصيل ومين راح فين وعلاقتكم الصحية ومشاكلكم النفسية وأسماء الدكاترة اللي بيعالجوكم والأدوية اللي بتاخدوها ومين طلق مين وليه ومين اتجوز مين وليه وإمتى".
وتابع: "اللي مستعد يحكي أسرار بيته بالتفصيل على الملأ أنا هحكيله أسرار بيوتنا بالتفصيل، يا إما خليكم في حالكم وسيبوا الناس في حالها، إحنا لا علينا دين لحد ولا مطالبين نحكي أسرارنا لحد".
وأضاف: "ومن يوم طلاقنا وانا تحولت من زوج ياسمين لأخوها الثالث مش طليقها.. وتحولت ياسمين من زوجتي لأختي التانية مش طليقتي.. وغلاوتها في قلبي هتفضل زي غلاوة ندى أختي لآخر يوم في عمري! خيال علمي بالنسبة لكم؟ إحنا كنا اسرة خيال علمي، ادعوا لياسمين بالرحمة والمغفرة وادعوا لبنتها ولأهلها بالصبر والقوة".
واختتم حديثه قائلا: "وياريت كفاية ترندات وقرف وسيبونا في حالنا بجد.. ملحوظة: الصورة ديه من يوم حفل تخرج زين من المدرسة ٢٨ يونيه ٢٠٢٥ يعني بعد الطلاق ب ستة أشهر".
هجوم الجمهور على خضر محمد خضر
وطال المخرج خضر محمد خضر، هجوم من عدد من رواد مواقع التواصل الاجتماعي، بعدما اتهمه البعض بالتخلي عن طليقته في أزمة مرضها.
وفاة ياسمين أبو النجا
ورحلت ياسمين أبو النجا ابنة الفنانة نجلاء فتحي ، عن عالمنا بعد تعرضها لأزمة قلبية، يوم الأحد الماضي.
اقرأ أيضا
ست جميلة افتقدناها من قريب".. تامر هجرس يكشف تفاصيل علاقته بحماته
تعرف على موعد ومكان عزاء زوجة الكاتب أيمن سلامة
شاطئ البحر وأغاني شيرين".. كيف يقضي أحمد حلمي آخر أيام الصيفية؟
