بعد أزمة خطوط الهواتف.. إيناس عز الدين: "اللي إحنا فيه بسبب انعدام الضمير"

وجهت الفنانة إيناس عز الدين رسالة جديدة، بعد تعرضها لأزمة مع إحدى شركات الاتصالات، بعد اكتشافها وجود خط هاتف مسجل برقمها القومي دون علمها.

وكتبت عبر حسابها على موقع "فيسبوك": "كل اللي إحنا فيه سببه انعدام الضمير.. احنا وحشين قوي مع بعض مننا فينا. يعني المدير بيضغط على الموظف علشان يقفل التارجيت، فيقوم الموظف يعمل مصيبة ويبيع خطوط لأي عميل بلا هوية أو بلا إقامة أو جمعيات أو مؤسسات أو شركات، أو أي حد، بأرقام بطاقات وهوية ناس تانية لا ليهم في الثور ولا في الطحين، فالناس تتأذي وممكن تشيل مصايب علشان حضرتك تقفل التارجيت بتاعك".

وأضافت: "إحنا وحشين والله مع بعض، ومستعدين لمصلحتنا نأذي بعض ونفتري على بعض، ومش بنتعامل ولا بنشتغل بضمير ولا بما يرضي الله في كل حاجة، وعلشان كده والله مش فالحين.. لنا الله".

تفاصيل أزمة إيناس عز الدين

وكانت إيناس عز الدين كشفت أمس، خلال بث مباشر عبر حسابها الرسمي على موقع "إنستجرام"، تفاصيل الأزمة، قائلة: "لقيت خط معمول برقمي القومي لصالح جمعية خيرية، وأنا ما أعرفش عنه أي حاجة، وأحمد جوزي لقى برقمه القومي 4 خطوط، ما يعرفش عنهم أي حاجة، ولا مين اللي عملهم ولا اتعملوا إزاي".

أحدث أعمال إيناس عز الدين

يُذكر أن أحدث أعمال إيناس الغنائية أغنية "زينة الخلايق"، التي جاءت بطابع صعيدي، وهي من كلمات مودي نبيل، وألحان محمد مصطفى، وتوزيع هشام محمد.

اقرأ أيضًا:

خاضت تجربة التمثيل وتورطت في قضية مخدرات.. معلومات عن سارة خليفة- صور

أول ظهور لـ هاجر أحمد بعد حبس زوجها أحمد الحداد- صور