من "هعرف أتفاهم مع ربنا" لـ"الشيطان السالك".. أزمات طاردت عمر كمال

قدم المطرب عمر كمال اعتذاره عن تداول مقطع فيديو أثار جدلاً واسعاً، إذ ظهر به وهو يقدم أغنية يقول فيها: "أنا الشيطان السالك يا ملايكة يا منافقين.. أنا إبليس وإنتوا اللي مشايخ".

وتعرض عمر كمال للهجوم من رواد موقع "فيسبوك"، قبل أن ينشر عبر صفحته الرسمية مقطع فيديو يوضح فيه كواليس الأغنية المثيرة للجدل.

رد عمر كمال على الهجوم

وقال عمر كمال: "الأغنية دي متسجلة بقالها 4 سنين ومنزلتش أصلاً للجمهور. أنا ماقصدش خالص أدخل في منطقة يكون فيها أي حرمانية أو تجرؤ على الملائكة، وناس مقربين قالوا لي إن الكلمات دي ممكن تتفهم غلط، ولغيتها".

وتابع: "الهجوم زاد عليا، ومن يعرفني يعلم إني من بيت متدين، ومش من العقل إني أطلع أتجرا على ربنا أو ديني، وألغيت تقديم الأغنية من 4 سنين، ومش عارف ليه في الفترة دي ألاقي الفيديو خارج وأتعرض للهجوم بسببه، وأنا مش كبير عن الاعتذار لكل من سمعها".

وتأتي أزمة أغنية "أنا الشيطان السالك" ضمن سلسلة أزمات لها طابع ديني واجهت عمر كمال وتعرض للهجوم بسببها، وهو ما نرصده في هذا التقرير.

مواجهة ساخنة مع عمر كمال

رد عمر كمال خلال ظهوره التلفزيوني في برنامج "خلاصة الكلام" على الانتقادات الموجهة لطبيعة مكاسبه المادية، حيث وجه حديثه للجمهور قائلاً بحدة:

"لو فلوسي دي حرام.. أنا لما أقابل ربنا يوم القيامة هعرف أتفاهم معاه.. سيبوني لربنا وهو اللي يحاسبني".

فتوى الأزهر

وظهر عمر كمال في مقطع فيديو عبر صفحته في موقع "فيسبوك" تحت عنوان "حد يرد عليا"، وقال: "أنا ربنا كرمني آخر كرم علشان أنا علاقتي بربنا كويسة أظن ذلك، بس أنا بجد تعبت من الناس، تعبت نفسياً قوي، عايز حد من الأزهر يطلع يرد عليا، بيقولولي معنى الكلام (إن الله طيب لا يقبل إلا طيب)، أنا بعمل إيه غلط؟ أنا بروح أغني في فرح بفرح الناس، بروح أغني في عيد ميلاد أو في حفلة تخرج. أنا كعمر كمال عمري ما طلعت في حياتي في لايف أو فيديو قلت أنا بعمل خير؛ اللي عايز يعمل عملية بعملّه، واللي عايزني أساعده في إيجار بعملّه، واللي بيته محتاج سقف بعملّه، أنا بعمل اللي أقدر عليه".

وأضاف: "شايل مسؤولية 50 أو 60 فرد؛ فرقتي واللي شغالين معايا وأهلي.. أنت بقا عملت إيه؟ ويقولولي أصل أنت فلوسك حرام! أنا فلوسي حرام بساعد بيها غيري، يعني اللي عايز يغسل كلى مرتين تلاتة في الشهر أنت عملتله إيه؟ أنا عملتله، واللي سقف بيته واقع والشتا داخل علينا أنت عملتله إيه قولي؟ أنا عملتله".

وأضاف: "أنا عايز أعرف من أي شيخ في الأزهر، أنا بعمل خير، بجيب من هنا وأحط هنا، ده غلط ولا صح حد يقولي؟ مين فينا اللي صح هما ولا إحنا؟ لو أنا غلط هبطل أعمل خير خالص، مش عايز أعمل خير تاني علشان أنا تعبت نفسياً، كل شوية حد يقولي (الله طيب لا يقبل إلا طيب)، أصل إنت مش هيتقبل منك، أصل أنت فلوسك مش عارف إيه".

والدة عمر كمال والعمرة

تطرق المطرب عمر كمال إلى شرط تضعه والدته عند التوجه لأداء مناسك العمرة، موضحاً لجوءه للكذب عليها، حيث قال خلال ظهوره في بودكاست "فايق ورايق" مع الإعلامي إبراهيم فايق: "ساعات بكدب على أمي لما بقولها إني مطلعها عمرة تقولي لا مش هطلع من فلوسك، فأقول لها ده واحد صاحبي عنده شركة سياحة مطلعك ببلاش عشان توافق تسافر".

الوضوء وأزمة الراقصات

تعرض المطرب عمر كمال لحوار مشابه خلال ظهوره مع الإعلامي العراقي نزار فارس، أجاب فيه عن سؤال حول واقعة دفع الراقصة خوفاً على الوضوء، وقال: "مش علشان يلمس، الوضوء.. أنا فاكر الموقف، ممكن يكون الحفل في وقت بدري ولدي بعده فرض يفرض الوضوء".

وتابع: "ساعات أكون مواظب جداً على الصلاة وعندي حالة إيمانية، وأكون مش عايز أغني بجوار راقصة أو ألمس حد، وألتزم بذلك".

عمر كمال والموت

وفي البرنامج الذي عُرض على قناة "الرشيد"، كان عمر قد رد على سؤال عن مدى استعداده للوقوف أمام رب العالمين والموت وهو يغني مع الراقصات، وقال: "لا مش مستعد أموت وأنا كده خالص".

رد عمر كمال

موقف والدة عمر كمال من أـمواله

عمر كمال و الراقصات

أقرا ايضا

أول تعليق من عمرو سليم بعد كسر زجاج سيارته في مهرجان القلعة

مراد مكرم يهنئ جمهوره ومتابعيه بمناسبة ذكرى المولد النبوي