ياسمين صبري لـ لميس الحديدي: أنا مبروكة وربنا هو سندي وحبيبي

كشفت الفنانة ياسمين صبري خلال حوارها مع الإعلامية لميس الحديدي في بودكاست "موعد مع لميس" والمعروض على موقع مصراوي، عن الصورة التي تُعرف بها نفسها، وهل ترى نفسها نجمة أم فنانة أم سيدة أعمال؟

وسألت لميس ضيفتها ياسمين: "أنتي بتحبي تقولي أنا مين؟ أنا ياسمين صبري الفنانة؟ أنا ياسمين صبري النجمة؟ أنا ياسمين صبري "Entrepreneur" اللي عندها بيزنس؟ أنا ياسمين صبري الـ"Businesswoman"؟ أنتي كل دول ولا بتحبي لما تعرفي نفسك تقولي أنا ياسمين صبري مين؟".

وأجابت ياسمين: "أنا ياسمين، بس، أنا ياسمين اللي هي البنت البسيطة من جوه، سوية، طبيعية، بحب أطور من نفسي، أحب أكون أحسن، أحب أشوف الناس اللي حوالي كويسة، أحب أشوف جمال ووفرة ونجاح وثراء، أحب أشوف حاجة حلوة".

وبسؤالها: "جبتي منين الـ Positive Energy دي كلها؟ أنتي ما شاء الله من ساعة ما دخلتي وفيه Positive Energy رهيبة"، لتعلق "من عند الله، والله العظيم بجد، الحمد لله".

ياسمين صبري وطاقتها الإيجابية

وأضافت ياسمين: "من كرم ربنا، الحمد لله، في كل حاجة، في الناس، في الفرص اللي موجودة، في الأبواب المفتوحة، في كل حاجة، إزاي ما أكونش متفائلة إزاي؟ يعني إزاي؟ أنا بؤمن اللي أنتي مقتنعة بيه هو اللي هتشوفيه".

وأشارت إلى أن إيمانها بالله قوي، وتعتبره السند والحبيب: "أنا حبيبته، قولتها قبل كده ومؤمنة بيها، أنا مبروكة، عندي بركة، عندي يسر، فأموري تمشي هو إيماني بيه كده، الباقي ده تسخيره بقى، الناس بتتعب لما ترمي أمالها على الناس أو على الدنيا، لأ ده خطر، ده الشيطان بقى، ده الشيطان".

اقرأ أيضا:

بسبب منتج إسرائيلي.. دعوات لمقاطعة فيلم "سبايدر مان"

20 أغسطس.. حكيم يحيي حفلا غنائيا في الساحل الشمالي

بسبب اسمه.. فيلم "Your Mother, Your Mother, Your Mother" يثير غضب الجمهور