"كان نفسي أكون مختلفة من وأنا صغيرة".. ياسمين صبري تتحدث عن طفولتها

حلت الفنانة ياسمين صبري ضيفة على بودكاست "موعد مع لميس" تقديم الإعلامية لميس الحديدي والمذاع على موقع "مصراوي".
وتطرقت ياسمين صبري خلال حديثها لعدة موضوعات منها ذكرياتها كطفلة، وعن استقلالها ماديا في فترة شبابها، ودخولها عالم الفن، وعلاقتها بنجوم الوسط الفني.

ياسمين صبري تتحدث عن طفولتها

وبسؤالها من قبل الإعلامية لميس الحديدي عن كونها ليست جميلة فقط على مستوى المظهر ولكنها مختلفة.
ردت ياسمين صبري: "بمناسبة مختلفة دي، أنا زمان وأنا صغيرة لما كانوا يقولولي أنتي نفسك تبقي إيه، كنت أقول أنا نفسي أبقى مختلفة".
وتابعت: "وأنا مش عارفة، يعني الناس تقول دكتورة، مهندسة، طباخة، أي حاجة بتقولها، أنا أقول أنا نفسي أبقى مختلفة، وكان فيه مبدأ عندي إني مش عايزة أخش في الصف، فيه صف كده في الحياة الناس بتخش فيه، تحس إنهم يعيشوا، يدرسوا، يخشوا جوه صف المهنة والوظيفة وكل حاجة تبقى عادية، يعني هو الموضوع نسبي وجهة نظر أوي، بس أنا كنت عايزة أكون مختلفة".
وأنهت حديثها قائلة: "يمكن مختلفة حتى عن عيلتي كلها، يعني ساعات كده يكون فيه شخص هو اللي يطلع بره الخط، تلاقي عيلة كلها مثلاً بتمشي في خط معين، أنا مثلاً شخصياً مفيش حد في عيلتي في الفن".

ياسمين صبري تنتظر عرض فيلم "مطلوب عائليا"

تنتظر الفنانة ياسمين صبري عرض فيلمها الجديد "مطلوب عائليا" وتتعاون خلاله مع النجم كريم عبدالعزيز والمقرر طرحه خلال الفترة المقبلة.
والفيلم من تأليف شريف الليثي، إخراج معتز التوني.

اقرأ أيضا:
بسبب منتج إسرائيلي.. دعوات لمقاطعة فيلم "سبايدر مان"

20 أغسطس.. حكيم يحيي حفلا غنائيا في الساحل الشمالي