فيديو| عزيز الشافعي: "طلبت من حماقي يشيل اسمي من الألبوم.. وده اللي حصل"

كشف الملحن والشاعر الغنائي عزيز الشافعي كواليس وسبب طلبه من الفنان محمد حماقي حذف اسمه من أغنية "يعني إيه"، و"أوعى تنساني"، بعد الهجوم الذي تعرض له قبل طرح الأغاني.

وقال خلال لقائه مع الإعلامية إسعاد يونس في برنامج "صاحبة السعادة": "حماقي كلمني وبيحكيلي إن الناس بتشتم قبل ما الأغنية تنزل، هي حملة عليا أو في حاجة أنا مش فاهمها، فقولتله علشان ألبومك ما يتضرش شيل اسمي".

كواليس حذف اسم عزيز الشافعي من أغانيه

وأضاف: "قولتله شيل اسمي 3 أيام لحد ما الأغاني تنزل والناس تحكم عليها كلام ولحن، كان رافض، واتحايلت عليه، قالي (أنا مش موافق بس هعملك اللي إنت عايزه)، فاخترعنا اسم (غالي المالكي) يتحط بدل اسمي، وألحان مالك علي، على اسماء والدي".

وتابع: "اللي حصل لما الأغاني نزلت وعجبت الناس جدا، الناس كتبت لحماقي شوفت بقى لما بتشتغل مع ناس جداد، مين بقى غالي المالكي ده؟ ده جامد جدًا".

تعليق عزيز الشافعي

وكان عزيز الشافعي كتب عبر حسابه على موقع "إكس": "بلغني، بحرية، نقاوة عيني، يعني إيه، وأوعى تنساني.. وآخر غنوتين دول وراهم قصة هنقولها في وقتها، وبعضكم يمكن خد باله منها.. بالتوفيق لجميع الزملاء اللي أبدعوا وقدمولنا محتوى غنائي متنوع وعلى مستوى عالي نفخر بيه كلنا.. شكرًا حماقي وكل فريق العمل وصديقي حمدي بدر على المجهود الكبير، وألف مبروك لجمهور حماقي في كل مكان".

اغانيا ف ألبوم صديقي
و اخويا النجم الكبير حماقي
بلغني ، بحريه، نقاوة عيني ، يعني ايه و اوعى تنساني..
و اخر غنوتين دول وراهم قصه هنقولها ف وقتها و بعضكم يمكن خد باله منها .. بالتوفيق لجميع الزملاء الي ابدعوا و قدمولنا محتوى غنائي متنوع و على مستوى عالي نفخر بيه كلنا .. شكرا… pic.twitter.com/xAs3IAVsqL

— عزيز الشافعي (@azizelshaf3i) May 29, 2026

اقرأ أيضًا:
"مين العريس؟".. كيف علق الجمهور على ظهور هيفاء وهبي بفستان زفاف؟- صور

من أمام برج إيفل..هند صبري تستمتع بعطلتها الصيفية في باريس ـ صور