"قلبي بيتقطع كل ما أشوفها تعبانة".. أحمد زاهر يكشف تفاصيل مؤثرة عن مرض ابنته نور

كشف الفنان أحمد زاهر عن واحدة من أصعب اللحظات اللي عاشها في حياته، وإصابة ابنته الصغرى نور بمرض الغدة الدرقية، مؤكدًا إنه حتى هذا الوقت يلوم نفسه كثيرًا.

وخلال لقائه ببرنامج "منا وفينا" مع الإعلامية هبة حيدري على قناة "المشهد"، قال أحمد زاهر: "جالي مرض في الغدة وكنت في حالة صعبة جدًا، وباخد علاج هرمون مدى الحياة، نور الصغيرة اتضح إن عندها الغدة الدرقية لأني خلفتها بعد ما تعبت، وكنت بموت من جوايا وبقول أنا السبب، أنا عارف إنه قدر ونصيب، لكن الإحساس ده بيوجعني جدًا".

زيادة في الوزن ورحلة علاج مريرة

وأضاف: "أنا وهي كان عندنا نفس الأعراض، أولها زيادة الوزن، أنا وزني وصل قبل كده لـ185 كيلو، وهي كمان وزنها زايد بسبب المرض، ولما تعيط بتتخنق وصوتها بيروح، وكل مرة أشوفها بالحالة دي بدخل أوضتي وأقفل على نفسي وأنهار، لأني بحس إني السبب".

وأشار إلى أنه لم يتوقف عن البحث عن علاج لابنته، قائلاً: *كنا بنروح لدكاترة كتير وكل ما أحس إن العلاج مش جايب نتيجة بروح لدكتور تاني، والحمد لله بدأت تخس شوية وحالتها اتحسنت".

وأكد زاهر أنه مؤمن بأن كل شيء بقدر الله، لكنه لا يستطيع التخلص من شعوره بالذنب، مضيفًا: "أكيد كله نصيب من عند ربنا، لكن كل ما أشوفها تعبانة قلبي بيتقطع".

رحلة مرض مؤلمة مع أحمد زاهر

كما استعاد الفنان رحلته الصعبة مع المرض، قائلًا: "كان بيحصلي حاجات غريبة، أبقى بتكلم وفجأة أنام، واتقلبت بالعربية مرة بسبب إني نمت وأنا بسوق، ولما كنت بصحى أكمل الكلام عادي كأني منمتش، الحمد لله الأعراض دي راحت دلوقتي".

اقرأ أيضا..
بحضور نجوم الفن.. 25 صورة من عزاء المنتج الراحل ياسر صبحي

بالصور.. أول ظهور لـ أحمد السعدني بعد زفافه في عزاء ياسر صبحي