محمد عطية يروي موقفا طريفا مع حسام حسن: "كان بيزعق كأننا في نهائي دوري الأبطال"

روى الفنان محمد عطية موقفا طريفا جمعه بالمدير الفني لمنتخب مصر الكابتن حسام حسن، خلال مباراة خماسي كان يشارك فيها مع عدد من الفنانين ولاعبي كرة القدم.

محمد عطية يكشف كواليس لعبه مع حسام حسن

وقال عطية عبر حسابه الرسمي على موقع "فيسبوك": "بالنسبة لموضوع إيه اللي عمله حسام حسن بين الشوطين خلى اللعيبة تتحول كده، عاوز أحكيلكم تجربة شخصية مع كابتن حسام.. في فترة كده بعد ستار أكاديمي تقريبًا كنت بلعب أسبوعيًا مع كابتن حسام خماسي، ومعانا مجموعة من لعيبة الكورة والفنانين.. كلنا بنبقى بنلعب جد وعاوزين نكسب، بس في نفس الوقت إحنا رايحين نتسلى".

وأضاف: "وأول مرة ألعب مع كابتن حسام، وتقريبا كنت أول مرة أقابله.. مش فاكر عملت إيه غلط وأنا بدافع على كابتن علي ماهر، ببص لقيت واحد بيصرخ ورايا وبيزعق بشكل هستيري لدرجة إني مفهمتش في إيه.. واتوترت.. ببص لقيته كابتن حسام بيكلمني كأني محترف في برشلونة وبيزعق كأننا في نهائي دوري الأبطال.. طبعا من الصدمة والخوف بقيت طول الماتش أجري زي جاتوزو يمين وشمال وفوق وتحت".

واختتم: "بقيت أشوف كابتن حسام كل أسبوع في اللعب، وكل مرة بنفس الحماس والزعيق.. مافيش حاجة اسمها نخسر دي، نخسر ليه.. ملحوظة مهمة: رغم كل زعيقه ده كنت بحبه جدًا جدًا".

يُذكر أن حسام حسن قاد المنتخب المصري وحقق الفريق انتصارا تاريخيا رفع رصيده إلى أربع نقاط في صدارة المجموعة السابعة، في بطولة كأس العالم 2026.

اقرأ أيضًا:
النقيب رفض اعتذاره وحوله للتحقيق.. القصة الكاملة لأزمة فادي خفاجة مع نقابة المهن التمثيلية

تركي آل الشيخ يعلن عرض فيلم "صقر وكناريا" في السينمات السعودية