"أشيلكم على راسي".. أول تعليق من محمد رمضان على أزمة أصحاب الجلباب الصعيدي

علق الفنان محمد رمضان على واقعة منع 3 رجال من حضور عرض فيلم أسد داخل إحدى دور السينما بسبب ارتدائهم الجلباب الصعيدي.

محمد رمضان لأصحاب الجلباب الصعيدي: أشيلكم على راسي

وكتب رمضان عبر حسابه الرسمي على "فيسبوك": "شرف ليا وللسينما ولكل صناع فيلم أسد دخولكم الفيلم، ولو ماشالتكوش الأرض أشيلكم على راسي".

وأضاف: "واثق في رد فعل معالي وزيرة الثقافة باعتذارها الرسمي لكل الصعايدة في مصر.. السينما للجميع يا فندم ودي أبسط حقوق الشعب".

كما نشر فيديو، ظهر فيه قائلا: "3 صعايدة داخلين فيلم أسد إمبارح، يمنعوهم علشان لابسين جلابية صعيدي، فيهم واحد في سن والدي، يعني اللي منعهم قلبك فين؟ عقلك فين؟ أصلك إيه؟ جدك تركي؟ عايز أفهم إنت منين؟ إزاي يهون عليك، يا بني آدم، تروحهم مكسورين الخاطر؟ إزاي؟ قانون إيه اللي حطاه السينما؟".

وأضاف رمضان "معالي وزيرة الثقافة، أنا مبكلمش حضرتك كمواطن، أنا بكلم حضرتك كإنسان، ومش كبطل الفيلم حتى اللي حصل فيه الواقعة، أرجو من سيادتك اعتذار رسمي لصعيد مصر على الموقف ده، دي مش إهانة ليهم، دي إهانة لينا كلنا، بستأذن سيادتك".

أبطال فيلم أسد

يُذكر أن فيلم "أسد" طُرح مؤخرًا في دور العرض، وهو من تأليف شيرين وخالد ومحمد دياب، وإخراج محمد دياب، بطولة محمد رمضان، ماجد الكدواني، رزان جمال، علي قاسم، أحمد داش، كامل الباشا، وإسلام مبارك.

اقرأ أيضًا

منة فضالي تدافع عن الكلاب: اللي بيحرض على تسميمهم معدوم الرحمة

محمد دياب يهاجم دار عرض تمنع دخول أصحاب الجلباب الصعيدي- تعليق جديد