كشفت الفنانة عايدة غنيم عن أسباب اتجاهها إلى تطبيق "تيك توك" وظهورها في البث المباشر، موضحة أنه مصدر دخلها الأساسي، وذلك خلال لقائها مع الإعلامي عمرو الليثي في برنامج "واحد من الناس".
عايدة غنيم تكشف كواليس ظهورها عبر تيك توك
وقالت عايدة غنيم إنها ابتعدت عن العمل الفني لمدة 9 سنوات: "آخر عمل ليا كان رمضان اللي قبل اللي فات، وده جالي بعد 9 سنين قاعدة في البيت ما بشتغلش، بشتغل مسرح بس، آخر حاجة كانت جراب حوا، وده كان من 9 سنين تقريبا، ومن ساعتها وأنا قاعدة في البيت، وماعرفش إيه السبب".
وأضافت عايدة: "اتكلمت كتير وكلمت ناس كتير، وحتى دكتور أشرف كلمته، وكلمت ناس كتير قوي بس مفيش حاجة حصلت".
وتابعت: "تيك توك بيغطي مصاريفي طبعًا، أنا بجد بعد ربنا سبحانه وتعالى التيك توك هو يعتبر شايل مصاريفي كلها أنا وابني، لأن مفيش شغل، أنا مش موظفة وما عنديش أي دخل تاني غير التيك توك".
وتابعت: "أنا بفتح لايف عادي كفنانة زي كل الفنانين اللي بيفتحوا لايف، بقعد مع أصحابنا بنقعد مع الفنانين كلنا مش أنا لوحدي، بنطلع كجروب فنانين بنلعب مع بعض، ونتكلم ونحكي عن ذكرياتنا ونتواصل مع الناس والفانز بتوعنا".
معلومات عن عايدة غنيم
يذكر أن عايدة غنيم برزت في نهاية التسعينيات، وحازت على شهرة واسعة من خلال مشاركتها في مسلسل "عائلة الحاج متولي" عام 2001، بطولة الفنان الراحل نور الشريف، إلى جانب ماجدة زكي، وغادة عبدالرازق، وسمية الخشاب، وآخرين.
عايدة غنيم تكشف تفاصيل مقتل والدتها على يد جارها: غدر بيها عشان الفلوس
وفاة مدير الإنتاج إبراهيم المشنب.. آخر أعماله "أيام السادات"
موسكينو في مهرجان القاهرة السينمائي الدولي: فرص جديدة للإنتاج السينمائي الدولي
رنا حسن أبو السعود: "والدي كان أبا حنونا وتعلمت منه حب الفن"