تحدثت الفنانة ياسمين رئيس عن قصة عبور والدتها الحدود برفقة أبنائها خلال الحرب، وذلك خلال لقائها مع الإعلامي أنس بوخش في برنامج "ABtalks".
وقالت ياسمين رئيس عن ظروف أسرتها خلال الحرب: "اللي حصل لما إحنا طلعنا في الحرب كنا عيلة واتفرقنا ومبقناش عيلة، وبابا كان فلسطيني، وده حطنا في ظروف أصعب من إن إحنا نكون مع أب مصري، لأنه طبعا الفلسطيني ليه وضع مختلف سياسيا، بالذات لما يبقى فيه ظروف وحرب، فمعرفتش أكمل رحلة رجوعي معاه، وكملت مع مامتي والوالد مرجعش".
وأضافت: "وقتها مكنتش أعرف إن دي هتبقى لحظة الوداع، وكنت فاكرة إني هشوفه تاني، لكن هو ودعني على الحدود ورجع".
ياسمين رئيس تتحدث عن والدتها
وعن دور والدتها في تلك الظروف، قالت ياسمين رئيس: "أمي فعلًا كانت قوية، وقصة عبورنا على الحدود أنا مامتي كانت أسد، واقفة بتحمينا، 3 عيال صغيرين وعايزين ياخدوا منها ولادها، وهي واقفة بتقولهم محدش هياخد مني ولادي أنا هعدي يعني هعدي، لو حصلت دلوقتي إني أطلق عشان أبقى مطلقة حاضنة وأعدي بولادي".
ياسمين رئيس تتحدث عن هويتها المصرية
وخلال اللقاء، سألها أنس بوخش عن تصريحاتها السابقة بشأن هويتها، قائلًا: "قولتي مينفعش تقول إني أنا فلسطينية، أنا مصرية، أنا عشت في مصر أكثر ماعشت في البلد اللي اتولدت فيها؟".
وردت ياسمين رئيس قائلة: "قصدي إن محدش يشكك في هويتي وانتمائي، لأنه مش معنى إنه بابا فلسطيني وأمي مصرية، اتولدت في الكويت، إنه أنا مش مصرية. إنت متقدرش تقول كده، وإنت على أي أساس تقول كده لمجرد إنه أبويا فلسطيني؟ لا، أنا عشت في مصر واتربيت فيها أكتر بكتير ما عشت في أي بلد تانية، أنا مصرية، ده كان عشان الناس اللي بيشككوا فيا".
ياسمين رئيس تشارك في فيلم "شمس الزناتي"
ومن ناحية أخرى، شاركت الفنانة ياسمين رئيس في بطولة فيلم "شمس الزناتي"، مع الفنان محمد إمام، والعمل من إخراج أحمد خالد موسى، وتدور أحداثه في إطار من الأكشن والتشويق.
اقرأ أيضا:
بالصور| تألق أمير المصري وأحمد داش على ريد كاربت مهرجان الجونة
حدث بالفن| بكاء أرملة هاني شاكر ووفاة شقيق حكيم وفضل شاكر في السعودية
