أثارت المنتجة مها سليم الجدل بمنشور عبر حسابها الخاص على موقع "فيسبوك"، تحدثت خلاله عن الأزمات التي تواجه صناعة الدراما.
المنتجة مها سليم تعلق أزمات الإنتاج:
وكتبت مها سليم: "طيب خلوني أقول لكم حاجة مهمة ومش هعملها تاني، كلنا السبب في اللي إحنا واصلين له ولسه هنوصل لأسوأ لو كملنا كده".
وأضافت: "اللي كان واخد جنيه السنة اللي فاتت طالب 3 جنيه السنة دي، الصغير والكبير طالب من الإنتاج عربيات تجيبه وتوديه، سواء نجم أو فريق خلف الكاميرا، كل واحد عايز مساعد واتنين وراه، وكل فنان وراه فريق عمل".
وتابعت: "وحجم الإعلانات زي ما هي، لا ومش بس كده، ده بقى في جزء من الصرف الإعلاني بيتم صرفه في وسائل تانية بعيدة عن الشاشات، وعدد القنوات والمنصات زي ما هو".
ووجهت رسالة إلى العاملين في المجال: "ساعدوا نفسكم وساعدونا إننا نشتغل، دي صناعة كبيرة مفتوح منها بيوت كتير جدًا جدًا، وعلشان تفضل قائمة ومستمرة، وحضرتك عايز تحسب بدل ما تطلب 10 جنيه اكتفي بـ8 جنيه علشان تشتغل بدل ما كلنا نقعد في البيت".
واختتمت: "ده بخلاف مشاكلنا الإنتاجية في التسويق، أرجوكم من أول المنتج لحد أصغر عنصر في العمل، ساعدوا نفسكم وساعدونا علشان تفضل بيوتنا كلنا مفتوحة، وشكرًا، سلام عليكم".
أزمات الوسط الفني
ويأتي منشور مها سليم بالتزامن مع تفاعل عدد من نجوم الفن وصناع الدراما مع الأزمات التي تواجه الوسط الفني، إذ تحدثوا مؤخرا عن صعوبات العمل والتحديات الإنتاجية، دون الكشف عن تفاصيل كاملة بشأن هذه الأزمات.
وكان من بين الأسماء التي أثارت الجدل مؤخرًا الفنانة منة فضالي والمنتج عبد الله أبو الفتوح، إلى جانب تفاعل عدد من الفنانات مع منشوراتهما، من بينهن نرمين الفقي وداليا البحيري ورانيا ياسين، بالإضافة إلى الإعلامية مروة صبري.
اقرأ أيضا:
مي عمر تكشف صور التحضيرات الأولى لمسلسل "حليمة جبران" رمضان 2027
حدث بالفن| فيفي عبده تكشف إصابة زوج ابنتها بالسرطان ومحمود سعد يعلق على صورة الزعيم
تامر حسني يدعو للسعودية بعد الهجمات: "اللهم احفظ المملكة وأهلها"
