نجوى إبراهيم تثير الجدل: "لو مش فاضيين ممكن تدخلوا أمهاتكم دار مسنين"

تحدثت الإعلامية نجوى إبراهيم عن قيام بعض الأبناء بإيداع الأب أو الأم في دور الرعاية، بسبب مشاغل الحياة المختلفة.

وقالت إبراهيم، في لقائها برنامجها بيت العز، المذاع عبر راديو نجوم FM: "ساعة نقول هنشوف اليوتيوب، ونلاقي الناس مطلعة فيديوهات اللي مش عارف مين دخل أمه دار المسنين، لازم نشوف موضوع علاقتنا بدار المسنين ممكن يكون إيجابي جدا، إنت أو أنتِ مش فاضيين مسافرين، ولادك اتجوزوا والبيت فضي وبقيتوا قاعدين لوحدكم ووالدتك مش لاقية حد تتكلم معها بتوديها دار المسنين، حتى لو تعبانة هيكون معاها ممرضة ودكاترة ويبقى معها ونس وصديقات في دار المسنين".

وأضافت نجوى إبراهيم: "لكن ميبقاش إنت قادر إنك تاخد مامتك في حضنك وتبقى جنبك، لأن كل دقيقة هي جنبك وأنت حاسس بيها فأنت مالك الدنيا كلها، ماما أو بابا عايشين دي من الحاجات دي مهمة جدا، يوما لا ينفع الندم، أنا لا جايه أنكد ولا أشعلل النفوس، أهم حاجة التعامل، وتشوفوا هتتعاملوا إزاي".

اقرأ أيضا..
رشوان توفيق: لم أعتزل التمثيل وكنت باخد المصروف من زوجتي