عمرو سلامة عن الذكاء الإصطناعي: داخلين على أوقات مثيرة وبدأت المطالبة بقوانين لحماية الفنانين

كتب- مصراوي:

عبر المخرج عمرو سلامة عن اندهاشه وقلقه لما وصل له الذكاء الإصطناعي في عالم الغناء وتقديم أغاني لمطربين عالميين لم يقوموا بغنائها.

وكتب عبر صفحته الرسمية على موقع التواصل الإجتماعي "فيسبوك": "في أغنية نزلت وكسرت الدنيا لاتنين من أشهر المغنيين في العالم Drake، The weekend .. لكن الحقيقة أن الأغنية معمولة بالذكاء الإصطناعي، الصوت مش صوتهم، ده البرنامج صنع صوتهم بالظبط بطريقة غناهم بكل حاجة لدرجة أن صعب جدا جدا تعرف إن اللي بيغني مش هم".

وأضاف: "ودلوقتي بدأت المطالبة في التفكير في قوانين جديدة لحماية الفنانين.. وغير كده مفيش مخ بشري قادر يتخيل لو اتمد الخط لإستقامته هيحصل إيه ؟.. قريب ممكن نسمع أغاني جديدة لعبد الحليم حافظ وأم كلثوم، ونشوف فيلم كامل بطولة بروس ويليز وإسماعيل ياسين مكتوب ومصنوع بالذكاء الإصطناعي".

واختتم كلامه وقال: "إمبارح العالم الملقب بالأب الروحي للذكاء الاصطناعي چيفري هينتون اتكلم على سي إن إن وبيقول إن الإختراع اللي شارك في هندسته ممكن قريب يكون قادر يقتل البشر، وسهل عليه يغسل دماغ الناس بأي فكرة حتى لو كانت أنهم يقتلوا نفسهم .. إحنا داخلين على أوقات بالتأكيد مثيرة".

وانهالت عليه التعليقات من الجمهور وجاءت كالتالي: "إيه الرعب ده"، "إحنا كنا متوقعين دخول الذكاء الإصطناعي في كل حاجة بس مش للدرجة دي".

أخر أعمال عمرو سلامة الفنية هو فيلم "شماريخ" المنتظر عرضه قريبا وهو من تأليفه وإخراجه وبطولة: آسر ياسين، أمينة خليل، خالد الصاوي، آدم الشرقاوي، ونخبة من النجوم.