كيف ردت أنغام على ظهورها تدخن سجائر في كليب "سيبك انت" ؟

تحدثت الفنانة أنغام، عن جرأة كليب أغنيتها الجديدة "سيبك إنت" وعن ظهورها في كليب لأول مرة وهي تشرب سجائر.

وقالت أنغام، ببرنامج ET بالعربي: "هي حالة إنسانية واقعية جدا وأنا شوفتها في ناس كتير .. الحقيقة إن الكلام اللي كاتبه أمير طعيمة مش هينفع لو هتصوره إلا ولازم يتصور بالواقعية دي".

وأضافت عن أغنية "متلخبطة": "أغنية متلخبطة بيسموها أغنية الهرمونات هي الست متلخبطة خالص ومش عارفة هي عايزة إيه .. سموها هرمونات سموها ستات سموها أي حاجة".

وكشفت عن رأيها في الدويتوهات التي يقوم البعض بفعلها عن طريق الذكاء الإصطناعي مع نجوم أخرين، قائلة: " فكرة الدويتو حلوة وكل حاجة بس فكرة إنه حد يستعمل صوتك وأنت قاعد كده مش دريان مش حاجة حلوة وبعدين صوتي مش حقيقي قوي وبيني وبينك مفيهاش الإحساس البشري ده .. أنا بتمنى بس إنها تبقى هوجة وتخلص..عشان هيقعدونا في البيت كدة".

يذكر أن الفنانة أنغام، طرحت منذ أيام قليلة، أحدث أغانيها الجديدة "سيبك انت"وهي من كلمات أمير طعيمة، وألحان وليد سعد، وتوزيع موسيقي مادي، ومن إخراج عادل جمال.

View this post on Instagram

A post shared by ET بالعربي (@etbilarabi)