يسرا ترد على الانتقادات الموجهه لمسلسلها "1000 حمدالله على السلامة

كتب- مروان الطيب:

حلت النجمة يسرا ضيفة عبر مداخلة هاتفية ببرنامج "حضرة المواطن" تقديم الإعلامي سيد علي والذي يعرض على قناة "الحدث اليوم"

وتحدثت يسرا عن وفاة الفنان مصطفي درويش إلى جانب تطرقها للهجوم الذي واجهته أثناء عرض مسلسلها "1000 حمدالله على السلامة" ضمن موسم دراما رمضان الماضي.

وقالت يسرا "أنا مبحبش أرد على أي حد الحقيقة يعني اللي عاوز ينقد واللي هايحب الموضوع هيحبه واللي مش هيحبه مش هيحبه مهما رديت وبالنسبة الرد ده بيقلل من قيمة أي حاجة، لا برد علي اللي بيشتمني ولا برد على اللي بيشكر فيا".

واستكملت: "مش أول مرة هنتشتم ولا اخر مرة كل واحد حر اللي عاوز يتفرج يتفرج واللي مش عاجبه مايتفرجش وده في رأيي تضييع مجهود ووقت وأرد وقت ما يكون الرد له أهمية وهيفدني أنا جاية أحط ابتسامة على وشك".

وانهت حديثها قائلة "في أقل من أسبوع من عرض المسلسل فوق الـ150 مليون متفرج على التيك توك مش بيحسبوا النجاح دلوقتي بالسوشيال ميديا اهو ده نجاح واللي مش عاجبه وعاوز حاجة فيها تقطيع ده موجود وأنا مش قادرة أعمل ده".