منة فضالي: "نجمة كبيرة بتحاربني وصراحتي بتخسرني ناس كتير"

كتب- هاني صابر:

اعترفت الفنانة منة فضالي، عن محاربة نجمة كبيرة لها رفضت الكشف عن اسمها.

وقالت منة، ببرنامج Vip : "في ناس كتير حاربتني ومنهم نجمة كبيرة جدًا وكبيرة سنًا، ومعنديش فكرة ليه بتعمل كدا، ومواجهتهاش واشتغلنا مع بعض كتير جدًا، وهي من زمان بتعمل معايا كدا، مؤخرًا كان عندنا مسلسل في دولة عربية وأنا بطلة المسلسل والمنتج نفسه اتضايق، كلمني عليها قولتله دي جميلة أوي وهتضيف للمسلسل، قالي أنا اتضايقت أوي من ردك يا منة دي مقالتش عليكي كدا وقالت كلام مش لطيف، وطلبها قدامي وقالت عني كلام مش لطيف، وحشة أوي من جواها أسود".

وتابعت منة فضالي: "ممكن تكون كبرت وخرفت بقولها داين تداين ولما تقطعي رزق حد ربنا مش هيباركلك، كان جايلها إعلان وطلبوا مني أجبها وقولتلهم لأ وجبت غيرها وعمل وقولت لأ ، ومتعرفيش امتى هضرب ضربتي".

وأضافت: "أنا قوية جدًا وبعرف امتى أخد حقي، الجشع والكدب والنفاق مش تبعي، وصراحتي بتخسرني ناس كتير، في حاجات ممكن أكدب فيها عشان مخسرش الطرف التاني، ممكن أكون قد حفيدتها، وهي آخر حساباتي وأقولها كلي في نفسك".