بعد اعتزاله الغناء.. خالد الفايد: "دي هداية وطريق اختاره ربنا لينا"

كتبت- بهيرة فودة:

أعرب مطرب برنامج "ذا فويس"، خالد الفايد عن استيائه الشديد من تعليقات بعض الجمهور له بعد إعلانه اعتزال الغناء مؤخرًا.

وكتب خالد الفايد عبر حسابه الشخصي بموقع "فيسبوك": "بتفاجأ من عدد من الناس داخلة تكلمني تقولي يابني حقق أهدافك واعمل فلوس وبعدها توب بس وأنت معاك فلوس".

وأضاف: "ده هو التلاعب بالتوبة والله، لأن التوبة مش بمزاجك ولا بمزاجي دي هداية وطريق اختاره ربنا لينا، بتضايق جدا من الناس دي".

وكان الفنان خالد الفايد أعلن اعتزاله الغناء مؤخرًا.

وقام خالد بتغيير صورة حسابه الشخصي بموقع "فيسبوك"، وظهر فيها مرتديًا جلباب أبيض، وعلق: "اللهم اجعل توبتي وعملي خالصًا لوجهك الكريم، وبعتذر مش هرد على أي حد".

وأضاف: "أرجوكم محدش يقولي غني تاني كفاية بجد مش عايز فلوس ولا شهرة ولا علاقات ولا أي سراب من ده كله".