شيرين عبد الوهاب: "حسام حبيب حاول ينزلني تحت واتعرضت لسحل وإهانة" (فيديو)

كتب-وائل توفيق:

أوضحت الفنانة شيرين عبد الوهاب عما تعرضت له أثناء زواجها من الفنان حسام حبيب، وذلك في مداخلتها الهاتفية لبرنامج "كلمة أخيرة" مع الإعلامية لميس الحديدي على فضائية "أون".

وقالت الفنانة شيرين عبد الوهاب: "اتهمني إني تخنت وبقيت شبه أمي، وقالي أنا عاوز واحدة اتباهى بيها قدام الناس تبقى حلوة ورفيعة ومش عارف إيه، ده غير الخناقات اللي كان فيها ضرب وسحل على الأرض وشتيمة عمري ما إنسانة تقبلها على نفسها".

وتابعت:"رجعت تاني نقولنا ندي فرصة تاني بس بشروط يكون فيه بيت تاني غير بيت، بيت الزوجية وإن بناتي مش هيتعرضوا لأي مشاكل نفسية، وحياتنا تبقى لوحدنا ونشتغل، أنا عندي البيت كبير، وحسام قبل ما نتزوج كان قاعد عندي في البيت كان بيزورنا كتير، وأنا عندي تحت استديو اللي بنخلص فيه شغلنا، فهو كان بيتردد على البيت عشان إحنا عندنا شغل، وكنت بحاول أؤهل البنات إن هو خلاص ممشيش من حياتنا، إن هو لسه موجود وبيخلي باله مننا لحد ما بدأت تاني الوعود تختفي وتتلاشى".

واستكملت: "المشاكل رجعت تاني من غير سبب، أنا عندي مشكلة في شخصيتي، عندي حد لو وصلتله أنا ممكن أذي نفسي مش أذي حد تاني، وتقدروا تسألوا الدكتور بتاعي، ونصحه أن في اللحظة دي إن يتعزل ويسبني ربع ساعة يا هي تدخل الأوضة تقفل على نفسها وتسيبها لحد ما تهدى، فكان كل خناقة تحصل يفضل قدامي ويحرق في دمي لحد ما أمسك المكنة وأحلق شعري ويشتمني".

وأضافت: "هو أنا فوق أنا كنت فوق أوي والحمد ما زلت، ومعرفش يطلعلي وهو حاول ينزلني ليه تحت، أنا اللي شايفاه ده تحليلي للي حصل".

لأول مرة #شيرين_عبدالوهاب تحكي قصة رجوعها لحسام حبيب بعد الطلاق "البائن"#كلمة_أخيرة #لميس_الحديدي #ON@lameesh@OfficialSherine@sherine pic.twitter.com/5r3xnO4lcw

— ON (@ONTVEgy) July 19, 2022