شذى :" سيرة تامر حسني بتقلبلي مودي وزعلانة منه"

كتبت- بهيرة فودة:

كشفت المطربة شذى عن غضبها من الفنان تامر حسني بسبب عدم اهتمامه بها بعد وفاة والديها.

وقالت شذى، خلال حوارها في برنامج أنا سعيد، الذي يقدمه سعيد جميل: سيرة تامر حسني بتقلبلي مودي، مش عشان أنا مبحبوش لأ أنا بحبه جدًا وإحنا عشرة سنين، ولكن تامر من وقت وفاة أبويا وأمي مظهرش، ولو ظهر بيظهر كضيف شرف، ومش بتكلم على الشغل أنا بتكلم على الإنسانيات أنا مليش حد هنا وعيلتي برا مصر.

وأوضحت:" تامر ضيف شرف في حياتي، خاصة إني بتعرض لأزمات كتير في السوق وتغير الذوق، ولكن تامر في إيده إنه يصلحلي حاجات كتير وأنا أستاهل ده لأني مش مدعية ".

وأضافت:"الصحاب لازم يكونوا ضهر لبعض، خصوصًا لو أنت كنت كويس معاه قبل كده، وانا مقدمه السبت لتامر حسني ووقفت معاه عشان كده بزعل لما بتيجي سيرة تامر، لأني مكنتش مستنية منه حاجة كنت مستنية يسأل عليا".

وأعلنت المطربة الشابة شذى إصابتها بفيروس كورونا أثناء زيارتها للولايات المتحدة الأمريكية مؤخرا.