سارة نخلة عن القبلات في السينما: "بتكسف ومقدرش أبوس حد وفيه ناس"

قالت الفنانة سارة نخلة إن الخطوط الحمراء، تختلف من شخص لآخر، ولكل إنسان حدوده، معلنة رفضها لمصطلح السينما النظيفة، وفي نفس الوقت مؤكدة أن السينما تختلف عن الدراما التليفزيونية التي وضع لها المجتمع خطوط حمراء بالفعل.

وتابعت خلال استضافتها في برنامج "نص الكلام" الذي تقدمه المذيعة راغدة شلهوب على قناة النهار: "في السينما كما يتطلب الدور، وحسب الحالة، أنا كل سنة أفكاري بتتغير، ومش فاكرة قلت امتى ليس لدي خطوط حمراء، بس مينفعش المشهد اني هعوم في حمام السباحة وخطيبي او جوزي هيضربني ويموتني والبس جلابية لأ، ومينفعش يجيلي دور، أقول حبيت كل حاجة فيه بس المشهد ده مش هعمله، يا تقبلي كل حاجة او لأ".

وردًا على إذا كانت تقبل أن تؤدي مشاهد القبلات والأحضان، أجابت "لأ مش بعمل مشهد قبلات أو حضن لأ، عشان كده أنا مش بشتغل سينما، بشتغل دراما بس، اختصرت على نفسي كان فيه حاجات جاتلي وحلوة أوي في وقت كنت متجوزة مش هعرف أعمل ده، معنديش مشكلة في كل ده بس أنا كـ سارة مش هعرف أعمله بتكسف، مقدرش أبوس حد وفيه ناس".

سارة نخلة ممثلة سورية شاركت في عدد من الأعمال الفنية المصرية، بينها: هربانة منها، حكايتي، اختيار إجباري، للحب فرصة أخيرة.