إعلان

"باجي وفي إيدي الرضعة".. ويجز يرد على من هاجموا "كيفي كده"

01:40 م الأربعاء 24 نوفمبر 2021

كتب-مصطفى حمزة:

انتقد مغني الراب ويجز من هاجموا كلمات أغنية "كيفي كده"، التي كتبها وقدمها مع فريق ديسكو مصر، ووصلت عدد مشاهداته إلى ما يزيد عن 13 مليون. بعد طرحها على موقع يوتيوب الشهر الماضي.

المغني ويجز رد على الهجوم من خلال خاصية "ستوري" عبر صفحته في موقع "إنستجرام"، وقال: "أشكر الناس اللي شجعتني وعجبتها الأغنية، وحابب اتكلم عن الناس اللي انفعلت عليا، بسبب جملة باجي وفي إيدي الرضعة عشان أغدي النونة".

وأضاف:"بغض النظر، أنا شخص طول عمري صريح مع نفسي، ولما بضايق بعمل تراكات عن الحاجات اللي مضيقاني، وكيفي كدا، هي أغنية فريش وبتتكلم عن الجزء المرح في حياتي وشخصيتي".

وتابع ويجز :" أنتم محدش فيكم فكر في النونة دي، ومحدش فيكم فكر يغدي النونة، غير كده ده بيني وبين النونة محدش يدخل ما بينا، وأنا مش حاسسها حاجة تضايق أي حد، لو أنت مفكرتش فيها، أنا فكرت أغدي النونة".

المايسترو محمد أبو اليزيد في تصريح خاص لـ"مصراوي"، كشف في انضمام المغني ويجز إلى النقابة في بداية شهر نوفمبر الحالي، وقال :" المغني ويجز، دخل إختبارات النقابة، ونجح بها، و ليس ممنوعا من تقديم أغانيه بال "فلاشة"، وهذا مصرح به ، لأن كل حفلات الراب تقدم بدون فرقة، ولا يطبق عليهم القرار".

أغنية "كيفي كده" من كلمات ويجز ، وألحان عمرو عماد ومصطفى الشريف أعضاء فريق ديسكو مصر، وطرح كليب الأغنية عبر موقع يوتيوب الشهر الماضي.

فيديو قد يعجبك: