مهرجان الجونة.. سميح ساويرس يشكر عمال الجونة على وقوفهم معه بختام الدورة الخامسة

الجونة- منى الموجي:

أكد المهندس سميح ساويرس، مؤسس مهرجان الجونة السينمائي في كلمته الافتتاحية بحفل ختام المهرجان بدورته الخامسة "حفظوني حاجتين، أهم حاجتين حصلوا في المهرجان ده، أول حاجة الناس اللي وقفت معايا عشان الحريقة اللي حصلت، الناس دي اظهرت محبة للجونة وللشركة وهما فعلا السبب في كل الانجاز اللي حصل"، ليصعد على المسرح عدد من العاملين بمدينة الجونة ويقابلهم الجمهور بتصفيق حار.

وتابع سميح "اكتر حاجة بفتخر بيها كم الناس اللي الواحد يقدر يتكل عليها، سعيد انكم قدرتوا الناس دي خدوا تصقيف اكتر من اللي بياخدوا جوائز".

وأضاف "الشريك الثاني: لازم كلنا نفتكر ان فيه دولة بتساعد، اكتر حد ساعد كان وزارة الصحة من غيرهم كان هيحصل مشاكل كتير جدا، بتوجه بالشكر لوزارة الصحة عن كل المجهود اللي بذلوه والدعم لإنجاح المهرجان، مش ببالغ قي الأرقام اننا نخلص المهرجان بعد اسبوع وميبقاش عندنا غير اربع حالات كورونا معناه ان مصر بقت خالية من كورونا بشكركم جميعا".

مهرجان الجونة السينمائي تم افتتاحه في 14 أكتوبر، واستمرت فعالياته لتسعة أيام تقريبا، وتختتم الدورة الخامسة اليوم 22 أكتوبر.