فيديو.. آسر ياسين يناشد الفنانين: "فيه أفلام اتعاملت مع موضوع التحرش إنه عادي"
آسر ياسين
تطبيق مصراوي
لرؤيــــه أصدق للأحــــداث
كتبت- منال الجيوشي:
ناشد الفنان آسر ياسين، عبر حسابه الرسمي بموقع إنستجرام، أصدقائه من الفنانين، بأنهم يتحملون مسؤولية لمواجهة التحرش.
وقال: "موضوع التحرش ده قديم مش جديد، مش هقعد أقول كلام له علاقة بأن الأهالي تاخد بالها من بناتها، وإن البنات تشتكي لو حد قالها حاجة لأن ده بديهي".
وتابع: "فيه مسؤولية فنية على أصدقائي من الفنانين مخرجين ومنتجين وممثلين، يعني من فترة مش كبيرة كانت فيه أعمال بتتعامل مع موضوع التحرش إنه عادي، وعادي إن البطل يلمس الست وإن الست الأجنبية مستباحة لأنها أجنبية، وفي الآخر البطل بيتحب وينتصر".
وأضاف: "ده طبعا بيبقى المثال بتاع الشباب، طب مالبطل بيتحب ليه ماعملش كدة أنا كمان، وعشان كدة بناشد كل المخرجين والمنتجين والممثلين والكتاب، إنهم لازم يراعوا الموضوع ده لأن إحنا واجهة الشباب".
يذكر أن عدد من الفنانات كشفن عن تعرضهن للتحرش، من بينهن سلمى أبو ضيف، رانيا يوسف، سارة عبدالرحمن، هنا الزاهد، مايان السيد، وأخريات.
View this post on Instagram
فيديو قد يعجبك:
